Xcaadxi tema ni zeeda lu Torre stiʼ ni rapa
Stale hermanu riquiiñecaʼ JW Library® para guni estudiarcaʼ ni riuundaʼ lu ca reunión stinu, ne nuucabe nayecheʼ purtiʼ zanda chúʼcabe lu cada tobi de ca artículo stiʼ Torre stiʼ ni rapa ni ridúʼndanu lu reunión. Peru nuu biaje redané Torre stiʼ ni rapa xcaadxi artículo ne laaca guendaró espiritual ca ni. Nánnadu riuuláʼdxiluʼ gúʼndaluʼ ca ni. ¿Paraa zanda guidxélaluʼ ca artículo ca yaʼ?
Ra riluxe cada artículo stiʼ Torre stiʼ ni rapa zeeda ca diidxaʼ riʼ «Otros artículos», ne xagueteʼ de laani ná «Contenido de este número». Pa cánaluʼ lu ca diidxaʼ ca la? zuuyaluʼ ti lista ra rihuinni guiráʼ artículo ni zeeda lu revista ca. Zuuyaluʼ lá ca artículo ni ridúʼndanu ne númeru stícani, peru laaca zuuyaluʼ xcaadxi artículo zeeda lu revista ca. Gulí ni racaláʼdxiluʼ gúʼndaluʼ ne gudaʼnaʼ lu título stini.
Laaca zanda cheluʼ lu sección ni láʼ «Lo nuevo» ni nuu lu primé yaza stiʼ JW Library, racá zanda guindételuʼ Torre stiʼ ni rapa jma nacubi. Bixheleʼ revista ni guindételuʼ ne biiyaʼ lista ra cá lá ca artículo ni zeeda luni, nga zacané lii ganda gúʼndaluʼ guiráʼ ni.