Xi gúninu ora tídinu lu xiixa injusticia

Biindaʼ Génesis 37:​23-28; 39:​17-23 para gúʼyaluʼ xi guiráʼ injusticia biʼniʼ huantar José.

Biyubi información ni caníʼ de laani. ¿Xiñee bizaaca José ca cosa ca pue? (Gén. 37:​3-11; 39:​1, 6-10). ¿Pabiáʼ tiempu biʼniʼ huantarbe ca injusticia ca? (Gén. 37:2; 41:46). Dxi gudíʼdibe lu ca guendanagana ca, ¿xi biʼniʼ Jehová pur laabe, ne xi qué ñuni? (Gén. 39:​2, 21; w23.01 yaza 17 párr. 13).

Biʼniʼ investigar ca detalle zeeda luni. Qué ruzeeteʼ diʼ Biblia pa guníʼ José cadi dxandíʼ ni caníʼ xheelaʼ Potifar. Pa qué ñúnibe ni, ¿xi razón gúpabe yaʼ? (Bichaaga ni né Proverbios 20:2 ne Hechos 21:37). ¿Xiñee nuu biaje qué ruzeeteʼ Biblia guiráʼ ca detalle ni zeeda lu xiixa relatu? (Bichaaga ni Juan 21:25). ¿Guná nga ca cualidad ni gucané José guni huantar ca injusticia ca? (Miq. 7:7; Luc. 14:11; Sant. 1:​2, 3).

Guníʼ ique xi rusiidiʼ ni lii ne ximodo zanda iquiiñeluʼ ni lu xquendanabániluʼ. Guníʼ ique ndiʼ:

• «¿Xi injusticia zanda guidxagaluáʼ pur nacaʼ xpinni Cristu?» (Luc. 21:​12, 16, 17; Heb. 10:​33, 34).

• «¿Xi zacané naa guneʼ huantar ora tideʼ lu xiixa injusticia?» (Sal. 62:​7, 8; 105:​17-19; w19.07 yaza 2-7).