Xiñee qué riuu ca testigu stiʼ Jehová lu política
Laadu, ca testigu stiʼ Jiobá, qué riuʼdu lu política, purtiʼ zinándadu modo na Biblia naquiiñeʼ gaca adorar Dios. Cadi ti grupu ni rucaalú gobiernu laadu, qué runi votardu pur ti partidu o pur ti candidatu, qué riguítedu casi ti candidatu para guicaadu ti puestu lu gobiernu ne qué rucaʼdu binni gucaalú para guiasa ti gobiernu. Biblia nga rudii razón laadu para cadi chuʼdu lu política. Chiguzéʼtedu cani:
Naquiiñeʼ chinándadu ejemplu stiʼ Jesús, laa qué niná nicaa ti puestu lu política (Juan 6:15). Laaca guníʼ Jesús «cadi zinanda [ca xpinni] guidxilayú»; nga runi, qué zanda diʼ chúʼcabe lade ti partidu políticu (Juan 17:14, 16; 18:36; Marcos 12:13-17).
Nuudu pur Reinu stiʼ Dios, laa qué niná nicaa ti puestu lu política (Juan 6:15). Laaca guníʼ Jesús «cadi zinanda [ca xpinni] guidxilayú»; nga runi, qué zanda diʼ chúʼcabe lade ti partidu políticu (Juan 17:14, 16; 18:36; Marcos 12:13-17).
Cumu qué riuʼdu pur ti partidu políticu la? randa rinínedu tutiica binni de Reinu stiʼ Dios, neca gadxé gadxé partidu laacaʼ. Guiráʼ ni rinidu ne guiráʼ ni rúnidu, rusihuínnicani runi credu Reinu si stiʼ Dios nga zanda guni chaahuiʼ ca guendanagana nuu lu guidubi Guidxilayú (Salmo 56:11).
Pa ñuʼdu lu política la? maʼ qué ñanda diʼ ñuʼdu tobi si né guiráʼ ca hermanu stidu ni nuu lu guidubi Guidxilayú (Colosenses 3:14; 1 Pedro 2:17). Ca religión ni riuu lu política la? qué randa diʼ riuu ca xpinni tobi si (1 Corintios 1:10).
Runi respetardu gobiernu. Dxandíʼ qué riuʼdu lu política, peru runi respetardu ca gobiernu ni runi mandar. Zacá rihuinni zinándadu mandatu stiʼ Biblia ni zeeda lu Romanos 13:1: «Naquiiñe uzuuba irá binni stiidxa cani runi mandar ndaani xquidxi». Rúnidu ni na ley, riguíxedu impuestu ne racanedu gobiernu ora guinabaʼ gaca xiixa ni zacané binni guibani jma galán. Qué riuʼdu lade ca grupu ni qué riná guzuubaʼ stiidxaʼ gobiernu, sínuque rinándadu conseju stiʼ Biblia ra na «iní né [du] Dios pur presidente ne irá ni runi mandar», jmaruʼ si ora chitíxhecabe gaca xiixa ni zándaca guchaa modo maca runi adorardu Jiobá (1 Timoteo 2:1, 2).
Laaca runi respetardu derechu napa cada binni pa gacalaʼdxiʼ chuʼ lu política, o pa coʼ. Qué riguʼruaadu lu campaña rúnicabe stiʼ ca políticu ne laaca qué rucueezadu binni ora maʼ chiguni votar.
Ñee deruʼ yanna nga qué riuʼdu lu política la? Coʼ. Ca apóstol ne xcaadxi xpinni Cristu ni bibani lu primé siglu laaca qué ñuucaʼ lu política. Ti libru ni caníʼ de tema riʼ cuzeeteʼ: «Nanna ca primé cristianu que naquiiñeʼ guni respetarcaʼ gobiernu nuu xquídxicaʼ, peru qué ñuu dxi ñuucaʼ lu política» (Beyond Good Intentions—A Biblical View of Politics [Más que buenas intenciones. La visión bíblica de la política]). Yanna guidúʼyanu xi guníʼ Orígenes, ti teólogo ni bibani lu siglu II ne III: «Qué riná ca cristianu gápacaʼ ti puestu lu política».
Ñee nuu razón para guidxibi binni laadu purtiʼ si qué riuʼdu lu política la? Coʼ. Gastiʼ razón para guidxibi ca gobiernu laadu, purtiʼ nácadu binni ni qué ridinde. Guzéʼtenu ti ejemplu ni guníʼ Academia Nacional de Ciencias de Ucrania lu ti informe iza 2001: «Stale binni nuu yanna riʼ qué riuuláʼdxicaʼ xiñee [qué riuu] ca testigu stiʼ Jiobá [lu política]. Ne laaca pur laani nga biʼniʼ castigar gobiernu stiʼ ca nazi ne stiʼ ca comunista laacabe». Ne laaca guniʼruʼ informe que ximodo guyuu ca Testigu dxi biquiichináʼ gobiernu stiʼ Rusia binni: «Gúcacabe binni runi respetar ley», laaca «gucanécabe binni, jneza modo bíʼnicabe dxiiñaʼ ndaaniʼ granja ne ndaaniʼ fábrica» ne «qué ñuu dxi ñuuyaʼ ca comunista laacabe casi ti grupu ni ñándaca nucaalú laacaʼ». Ora biluxe guníʼ informe que de ni runi cré ca testigu stiʼ Jiobá ne modo rúnicaʼ dxiiñaʼ la? guníʼ: «Qué ziuu dxi gucaacani binni gucaalú gobiernu nuu xquidxi».