Wai ka Mangasunge na gi Wiri Tooni Buku Re

Rogo agu akpewaraga naye fuo gere, oni nika biko averesi yo tipa aˈuru ni basasa gbiati asakarogopaiyo tipaha. Wa vura duhe nga oni rengbe arengba ka geda agu averesi re gbiati gu sakarogopaiyo re tigu regbo ngba tironi, badungu aboro bi gupai nga gedaha wiso ngba gbe. Mbiko i rengbe ka berãkurii gupai re rogo gu uru re naabaha. Wisigo agu averesi re na aborokporo dunduko wa sa na bakere undo ti ni. Aboro Betere rogo zegino dunduko ninaawisigo agi averesi re ti regbo gu riahe nga ga wiso.

I rogodi agu asakarogopaiyo re rogo agu aNgbaõbambu Sinziri (w) tona ti ga Zerekpe 2021 ki dati ga Marungu 2022. Agu anamba ngbefuo gu ramediwi nga ga Ngbaõbambu Sinziri, si nayugopa gu kpewaraga (akpewaraga) du rogoho na fuani, si kini yugu agu agenewaraga i adi kekeapai rogoho. (Oni bi gu kpiaha du kusende re.) Oni rengbe ka gbia gu kura dungu apai tipa gupai re rogo gu kekeapai re.