Oni Kiisi Gaoni Sunge Tungusapai ti Regbo Tingida Pakpio Yesu!

1. Tipagine si aida ani berẽkuriipa kiiso gaani sunge tungusapai ti ni rogo Marungu, Zerekpe, na Merekoko?

¹ Ya mo oni rengbe ka kiiso gaoni sunge tungusapai rogo Marungu, Zerekpe, na Merekoko? Kura abatungusipai nikadu na ongoda basunge yo, watadu sukuru yo, nga gu rengbe yó ka mangasunge nani tipa ka tungusapai. Tona rogo Zerekpe ti rameru 2, ani nika manga kparakpara tua tipa ka yamba agu aboro duna nyemu rengo i ye kadu na ani pati Tingida Pakpio Yesu rogo Zerekpe ti rameru 17. Fuo gure ngbutuko, ani nika manga bakere asadatise a berewe tipa ka yamba agu aboro naye kupati Tingida Pakpio Yesu i ye ka gia gu gumbapai nika manga rogo Zerekpe ti rameru 25. Nirengo, dungu nduapai duho si aida ani berẽkuriihe tipa ka kiiso gaani sunge tungusapai rogo Marungu, Zerekpe na Merekoko.

2. Gini wene gene duho rengbe ani ka tungusapai ngbaha nibakerehe?

² Moundo Bazakigene: Gu wene gene rengbe ani ngbaha ka tungusapai nibakerehe nga mangasunge moundo abazakigene. Wa duhe nga apai mange tirani, gipai re naida ani ima sogimaha mbata mbu regbo koyo na ki mangi ariapai rogo gaani ringbisa regbo mangaapai. (Snz. 21:5) Isoke, oni ima rengba ka dia gu kura apai kusayo nga gu anyakanga paha ya. (Frp. 1:9-11) Tipagine ka oni apekanga pa gu nyemupai du oni nani nga ga mangasunge moundo abazakigene fu kura aboro ti ni rogo dungurati ya ka bihe singia i rengbe ka mangaha a tigayo?

3. Wai rengbe aborokporo ka mbakadatiyo tipa ka kiiso gayó sunge tungusapai?

³ Ho oni ka manga gu gaoni Irisombori Nga ga Aborokporo ni, si adu niwenehe ka oni wisigipa agu asásá oni aida kada ti ni. (Snz. 15:22) Ka oni giitironi wenengai, bete gaoni aborokporo rengbe arengba ka mangasunge moundo abazakigene tipa diwi sa watadu nidunguhe. Ginipai rengbe ka manga kangia oni bi gupai nga gene beroni tipa ka mangaha wo te? Gaoni aborokporo ima rengba ka manga mbakadapai tipa ka kiiso gayó sunge tungusapai nindu yó kaa tungusapai bara ku nyemu watadu ka tungusapai nigbangaha ti digido aposo.

4. Gini amaku rengbe ani ka gbiaha nisangbana kiiso gaani sunge tungusapai rogo agi adiwi re?

⁴ Yekova naabi agu apai abi dunduko ani amangaha tipa ka irisoko na ko nabi gu ome ani amangaha na nyanyakipaha. (Eb. 6:10) Ani nagbia ngbarago ho ani agamahe ni fu Yekova watadu fu kura aboro. (1 Peka 29:9; Amo. 20:35) Ya mo oni rengbe ka kiiso gaoni sunge tungusapai rogo Marungu, Zerekpe na Merekoko tipa ka gbia ngbarago gbiati amaku?