Amamu Tipa ka Tambua Yekova
1. Gini vovo mbakadapai nika undo rani ani ‘fu bakere tambuahe fu Yekova’?
1 Natona rogo gu diwi nasusi kusayo nga Marungu, vovo mbakadapai akuru tipa abatungusipai rengbe ka tungusapai ni amoundo abazakigene tipa asaa 30 rogo agu adiwi nga Marungu na Zerekpe na rogo gu diwi babi adungurati aye rogo ru. Ka si du nga babi adungurati ye kurogo gaoni dungurati ti digido diwi na ki digisi gako poso ti tonatona gu kura diwi, agu abatungusipai naida ka tungusapai tipa asaa 30 rengbe ka sia diwi sa dagba agu adiwi re. Agu abatungusipai dunduko nikangia amoundo abazakigene ti gu regbo re nika manga gu dunguratise naabaha ko naamangaha na abazakigene. Gure nga agu abatungusipai adunga gene beyo wa ka i tungusipai ki da ti asaa 50 ya, i arengba arengba ka ‘fu bakere tambuahe fu Yekova’ nitungusa yó pai ni amoundo abazakigene tipa asaa 30 bara biama rogo garã yo!—Tam. 109:30; 119:171.
2. Gini wene apai nika manga fu agu aboro nika tungusapai ni amoundo abazakigene ho babi adungurati nika ye ni?
2 Ti gu Regbo Babi Adungurati Aye: Awere, si nika duadu taata fu dungu aboro tipa i naatungusapai ni amoundo abazakigene ti gu regbo babi adungurati aye ti ni na ki gbia gu wasa naye ti tungusapai naako. (Rom. 1:11, 12) Agu amoundo abazakigene namangasunge tona Rago Sa Sunge ki da ku Rago Bisue, i rengbe ka sana babi adungurati singia ko rengbe ka kura naayo Rago Nzengu watadu Rago Poso. Badungu abatungusipai nika manga ome amanga tigaha ka dia uru sa basunge yo tipa ka tungusapai naako. Kurigure, si nikadu nipa wasa fu amoundo abazakigene tipa kadu pati gu dunguratise nga ga abazakigene!
3. Tipagine du regbo Tingida Pakpio Yesu ti ni niwene regbo tipa ka tungusapai ni moundo abazakigene?
3 Rogo Marungu na Zerekpe: Agu aboro natungusipai gugorö ni amoundo abazakigene ringbisihe kuti gu mbakadapai nangia ga asaa 30, i nikadu awere na mamu beyo ka kiiso gayo “motumo tambuahe”! (Eb. 13:15) Agu adiwi nga Marungu gbiati Zerekpe dunduko nga wene adiwi furani tipa ani tungusipai nibakerehe ni amoundo abazakigene. Rogo agu adiwi re rogo agarã dunduko, ani naamanga tua tipa ka yamba aboro i ye tipa Tingida Pakpio Yesu. Kurigure, wa duhe nga dungu aboro natungusapai rogo agu adiwi re, si nasa gupai nga ani tungusipai na dungu ngbatunga abatungusipai. Tifuo Tingida Pakpio Yesu, ani naakaraga tirani fuo agu aboro naye tipa ka sonosa gayo nyemupai na ka yamba yó tipa gu kparakpara gumbapai i naamangaha tifuo Tingida Pakpio Yesu. Ya mo ngbaduro yo afõ ro tipa mo tungusipai ni moundo abazakigene?—Rk. 6:45.