Mo Tambua Yekova Wangia mo Bazakigene

AYisaraere adu na dungu nduapai nga gu nadu na nyanyakipaha tipa ka tambua Yekova. Ko akusi yo Ezipeta yo na ki batasi yo be ga Faro riivura! (Gate 15:1, 2) Yekova nandu kumbatayo kindi kaa manga wene apai fu gako aboro. Wai du rengbe ani ka yugo gaani tambuahe fuko?—Tam 116:12.

Gene sa nga ni manga ani sunge ni moundo abazakigene watadu ni abazakigene. Mo ima rengbe ka manga kparakpee tipa pa nyemupai gbiati ome tipa ka mangasunge ni bazakigene. (Frp 2:13) Dungu aboro natonaha mbata ni moundo abazakigene. Ka mo aida ka mangasunge moundo abazakigene, mo ima rengba ka sia ka tungusapai tipa pa asaa 30 watadu 50 rogo gu diwi nga ga Marungu na Zerekpe gbiati gu regbo babi rimbasa aye a ka bi gaoni dungurati. Tingbafuo mo gbia gu ngbarago du ti mangasunge ni moundo abazakigene, mo ima rengba ka manga ome tipa ka mangasunge ni bazakigene. Zavura gu bete aboro namangasunge marã ti aregbo dũ watadu agu yo adunga kpotoyo wenengai ya aima du na rengba tipa ka mangasunge ni abazakigene. (mwb16.07 8) Nirengo, Yekova rẽarẽ na ai gu ome ani amangaha tipa ka tambuako! —1 Peka 16:25.

ONI BI GU VIDIO NGA AWIRINA BIATA MONGOLIA YO, NA KI KARAGAPAI KUTI AGU ASANAHE DU KUSENDE RE:

• 

  Gini akpakarapai agi awirina re adi behe tipa ka da ni anazakigene?

• 

  Gini amaku i nagbiaha?

• 

  Gini vovo amomu nga ga mangasunge fu Yekova i adu na ni mbiko mangayo sunge ni anazakigene?

• 

  Gini maapai gayo wene kpiapai adu na ni kurii aboro?