Yekova Nabire Wai?

1 . Wai du Ziazia Kekeapai wa bitirobi?

¹ Bara wai mo naabi tiro rogo bitirobi? Badungu rani ni naangana tirani rogo bitirobi na aʹuru dũ bambiko mangaha wo naundo rani ani bi agu apai du tirani nga gu si aida ani mbakadihe. I naringbisa Ziazia Kekeapai kuti bitirobi. Geda Fugo Mbori naundo rani ani bi kpotoraniyo, nga guhe Yekova abihe. (1 Sam. 16:7; Yak. 1:​22-​24) Fugo Mbori rengbe ka “ina agu aberã nga ga ngbaduse na gaha nyemuhe.” (Eb. 4:12) Waigu geda Ziazia Kekeapai na kini berẽkuriihe na aʹuru dũ narengbe ka undo rani ani bi agu abangiri aba si aida ani nyakasihe tipa ka du ni wene abatungusi wene pangbanga?​—Tam. 1:1-3.

2 . Wai Ziazia Kekeapai narengbe ka undo rani ani wisigi tarani?

² Oni Mangisunge na Ziazia Kekeapai wa Bitirobi: Agu apangbanga du rogo Ziazia Kekeapai nga ga ga Yekova ruru amoyambu nayugo agu asino furani ngba tiko. Ni kpiapai, Davide ayugu kakaka nyemuse tipa rimo Mbori. (1 Sam. 17:45, 46) Yesaya afutiko ni ngarã tipa ka tungusapai rogo kpakarakpakara rago. (Yes. 6:​8, 9) Gu dudunguro nyemuse Yesu adu na ni tipa Bako asako ko niibi sunge tungusapai wa mburu wasa na wa wene sunge angianga wa tindiro ya. (Yo 4:​34) Agu aKristano naadu rogo bambata sa kama agarã aatungusapai zaaza, na kini kido kuti Yekova, na i aima diaberã kaa mangaha wo kindi. (Amo. 5:41, 42; 2 Kor. 4:1; 2 Tim. 4:17) Pa berã ani kuri agi akpiapai re naundo rani ani mbakadi sino gaani sunge tungusapai.

3 . Tipagine si aidanga ani naagbisigo pa manga aʹariapai ti ni rogo gaani raka ya?

³ Ani Rugu gu Gbegberẽpai ka Ani Bihe Nibasa: Ka boro bi guhe kpakpuni yo rogo bitirobi si aida ni dihe kusayo ono ka ni adianga ya, gure nga ni agbianga undo ti gu bitirobi re te. Ani rengbe arengba ka sana Yekova ko undo rani ani wisigi tirani wenengai na ki mangi gu ariapai si aidaha. (Tam. 139:23, 24; Rk. 11:13) Bambiko rago ima guro, si aidanga ani naagbisigo pa manga aʹariapai rogo gaani raka te, bambiko gipai re nakodapa ungarani.​—1 Kor. 7:​29; 1 Tim. 4:​16.

4 . Ginipai namanga tipa gu boro nangana Fugo Mbori na kini mangipai kuti gupai ni ainoho rogoho?

⁴ Kpotoboroyo​—nga guhe Yekova abihe​—si nyakipaha kisusi gu kpotoni du ku zagi. (1 Pet. 3:⁠3, 4) Ginipai namanga tipa gu boro nangana Fugo Mbori na kini mangipai kuti gupai ni ainoho rogoho? Ni ‘adunga ni gipai nahe tingida pai te, ono ni du ni mangipai namanga ha, gi boro re i afu maku afu fu ni rogo gani manga sunge.’ (Yak. 1:⁠25) Nirengo, i afu maku afu furani ani kidu na ngbarago, na ani kidu a ni wene abamangisunge bambiko ani “nayugo gu taarimo nga ga Gbia wa ngana.”​—2 Kor. 3:18.