Mo Mangisunge na Baibiri wa Bitiroabi

Gu mokedi nangia Yakoba aringbisi Baibiri kuti bitiroabi nga gu naundo rani tipa ani bi gini ngbatunga boro nzunzu nga ani. (Yak. 1:22-25) Waigu rengbe ani ka mangasunge na Baibiri wenengai wakina bitiroabi?

Mo gedihe wenengai. Ka ani bi tirani ni kina wiri ipo gbua rogo bitiroabi, ani ima rengba ka zanga bihe singia irairapai kina ti wai ani angera. Wakina gure a, ka ani gedi Baibiri ni kina ipo, ani abingo gupai rengbe ani ka manga ariapai ti ni te. Tipa ka manga gipai re, si naida ani nigedi Baibiri wenengai.

Mo gbeberã ro kuti gupai si aida mo mangi ariapai rogoho, angianga kuti kura aboro ya. Ti kura aregbo, ho ani angera ni ku rogo bitiroabi, ani ima rengba ka bi sura kura aboro a rogo bitiroabi, na ani ki ima rengba ka gbeberã rani kuti gu irairapai du ti wai i angera. Wakina gure a, ani ima rengba ka geda Baibiri na ki berẽ pa gupai si aida kura aboro mangi ariapai rogoho. Ono gupai re aundongo rani tipa ani mangi ariapai rogo agu apai si aida ani mangi ariapai rogoho te.

Mo du na ruru bipai. Ka ani aangera ku rogo bitiroabi na kini bi kina gupai ani aidanga ha ya, si ima rengba ka ba gberãrago tirani. Si naida ani du na ruru bipai ho ani ageda Fugo Mbori ni na ka ani adunga na gu bipai nga, si naida ani mangi dungu apai kisusi gu Yekova aidaha berani ya.​—Yak. 3:17.