Vovo Ũwetekapai

Badungu abatungusipai naima mangasunge na gu ũwetekapai nga Watch Tower Publications Index tipa kaa wetekapai. Ono bambiko gupai nga i kehe na wiri futufutuapai dunduko, gene wa ka i kusihe rogo dungu afugo yo te. Sidu tie, i mbakadi gu kura ũwetekapai du rimoho nga Research Guide for Jehovah’s Witnesses rogo afugo bangehe naima da ti 170. Agu awaraga du paha rogoho, si tona ti gu garã nangia 2000. I akusangaha rogo agu afugo naima du na Index beyo te ono si kinaho rogo gu ũwetekapai nga Watchtower Library na Watchtower​—ONLINE LIBRARY. Si nika undo rani tipa ani karagapai kuti agu asanahe nga ga Ziazia Kekeapai, ani ini gupai rengbe ani ka mangaha nibipa agu abakabangirise du ani na ni, na si nika undo rani ani mbakaditirani tipa adunguratise gbiati gu irisombori nga ga aborokporo.