Berãpai Tipa Wisigopai

Mo Ini gu Vovo Aˈariapai i Namangihe ti Gaani Giarogopai Yo

Ani naraka ti bawene regbo kisusi, Yekova nayugo dungu apai furani tipa Fugoko kisusi wai si nidu mbata. (Dan. 12:4) Ono si ima rengba ka kpakara furani ani ini gu vovo aˈariapai i namangihe ti gaani giarogopai yo nibipa agu arengo nga ga Baibiri. Wari rengbe ani ka bi agi aˈariapai ni re na wai i nasakirogo yo?

• Ho mo andu ni ku rogo Watch Tower Publications Index gu riipai nga “Beliefs Clarified” na bange agu apai dunduko rogoho i namangi ariapai ti ni rogo agarã yo ni basasa. Tipa ka bi gu riiapai duho, mo rimisi gu fugo nga, “understanding clarified” (kodihe na gu nogodinogodi ahe du pati ni) rogo gu bagbata apai nga ga Watchtower Library watadu Watchtower ONLINE LIBRARY^™.

• Research Guide for Jehovah’s Witnesses na riiapai rogoho ni guruhe nibipa gupai si afura tipaha. Mo ndu ku rogo gu riipai nga, “Jehovah’s Witnesses,” fuo gure, mo ki ndu ku rogo “Views and Beliefs,” na mo ki ndu ku rogo “Clarification of Our Beliefs.”

Tipa gamo wisigopai nisase, mo ima rengba ka dia gupai i namangi ariapai ti ni na ki mangi wetekapai tipa gu vovo giarogopai yo duho awere na ndu gupai i namangi ariapai ti ni riimburu Ziazia Kekeapai.