Gonyno rutirigaʼlni lóono por guiquiinno galnadip ni nap Xtiitz Dios órni saano yoʼ por yoʼ

Órni toib buñ racadiagtzay lóono órni ranino xtiitz Dios, diti rasnitno oportunida ni napno né rolno texto de la Biblia né láabu. ¿Xigony ronyno láani scú? Portín nanno que Xtiitz Dios napni galnadip. Ndeʼ bireʼ loguiaʼ ló samblia de toib dzú ni gopno godobís. Superintendente de circuito bituidy discurs ni góc laa. «Gonyno rutirigaʼlni lóono por guiquiinno galnadip ni nap Xtiitz Dios órni saano yoʼ por yoʼ». Nigoreʼ guisetnaladxno ni bireʼ loguiaʼ ló discurs reʼ.

• ¿Xigony xtiitz Dios más nadipni que xtiitzno? (2 Tim. 3:16, 17.)

• ¿Xigony ranino que la Biblia rascuany ni rasacno, ratzaʼni mod nac xpensaryno né mod nacno? (Bibiʼ ni ná La Atalaya 15 de juny íz 2012, página 27, párrafo 7.)

• Órni rolno la Biblia né toib buñ, ¿xí labúu gonyno par que buñreʼ gap respet láani? (Bibiʼ mod ná libro Benefíciese, página 148, párrafos 3 né 4, né Xchiin Dios ni Ronyno beʼo marz íz 2013, página 6, párrafo 8.)

• Órni rolno toib texto, ¿xigony rasac cuéxano ni ma bíilno ló la Biblia par guieen buñ láani? ¿Ximod labúu gonyno láani? (Hech. 17:2, 3; bibiʼ ni ná libro Benefíciese, página 154, párrafo 4, a página 156, párrafo 5.)