Dios nainy gan looy
LÓ LA Biblia radzelno consej ni más galán, portín sieedni de Dios. La Biblia diti nacni toib libro de remeidy, per raibyni lóono xi raquiin gonyno par diti tzogoluʼno ló galrrasaʼ, cueʼno pensary mal lainy bichoguicno diti tzogoluʼno nabann né ganno xi gonyno órni guicalóno nitisi galguitz.
Láaca, la Biblia rasuidyni lóono de cós ni rasacgoluʼ: que Jehováa Dios, ni Bisaʼ lóono nantzaybu xi noʼ ló xpensaryno né riembu ni rasacno. Nainy ganbu né tzoʼbu né lóono ló tiemp nagan. Por ejemplo, buny pensary ló chop textos xtuny la Biblia ni sieed reʼ. Sacnégoluʼni looy.
«Jehová noʼ gaxtiguié de buñ ni cayoʼob xcalnabany; né ralaabu buñ ni nogoluʼ nabann» (SALMO 34:18).
«Portín naʼ, Jehová Dios xtunylo, nanaʼsa ñalo niis ladbuʼ; naʼ raabi looy: Diti guidzuibylo. Naʼ sacnéya looy» (ISAÍAS 41:13).
Per ¿ximod racné Jehová lóono guisacno sacró né ganno xpensaryno? Ló guirá artículos ni sieed sadudylo cuent que Jehová nainy gan lóono, né por ngú radudybu xidal galrracné lóono.
a Laa Dios ngú Jehová (Salmo 83:18).