Ni labúu guisuidyno

¿Xí láani non guisac par lóono?

Diti guirá ór labúu rasuidytzayno midid náni lóono. Por ngú, ¿xí labúu gacné looy par guiquintzaylo tiemp ni naplo? Primer, biquiintzay tiemp ni naplo par guisuidylo. Más galán golno tidxósi par guientzaayno láani xalagary golno xiroʼgolu.

De ngú gon xi láani más rasac (Efes. 5:15, 16). Reʼ ritlaa tipnés mod ni labúu gonylo láani:

• Bíil la Biblia guirá dzú (Sal. 1:2). Primer labúu goʼolo tipnés capítulos ni ritlaa ló reunión ni rac lainy xomal.

• Nír bisuidy xi ni tudy ló reunión, tanli ló estudio de Guiich ni caniʼ né ni rarecaa ló reunión ni rac lainy xomal. Bisuidytzay par gony comentarlo (Sal. 22:22).

• Pal naplo más tiemp par guisuidylo, gon xi guirá galrro espiritual careʼga, por ejemplo revistas par guirá buñ, videos né guirá ni rareʼ ló jw.org.

• Gosaló toib mod par guisuidytzaylo. Labúu guisuidylo información de toib galnagan ni cacalólo, toib galrranabdiitz ni naplo o toib tema ni sieed ló la Biblia ni nainy looy guientzaaylo. Sadzelo tipnés mod ló sección ni ná «Actividades para estudiar la Biblia», ló jw.org.