Experiencia

Mod racnéni buñ gonladx guirá clas buñ

Toibtica dzú, toib hermana de Nueva Zelanda bibiʼ video Preocupémonos unos por otros, ni raniʼ que Jehová diti nosi nap galrronladx, láaca raslooybu láani (Is. 63:7-9). Órcu goloʼbu guicbu ñonybu alga né nayopybu chú ñacnébu. Dzúcuca goyeebu mandad, né bibiʼbu toib buñgonaʼ ni golés locay né gochbu gonaʼcu pal nasaguelbu nasiʼ hermana reʼ galrro par láabu. Gonaʼcu gosaguel. Né órni hermana reʼ bibiguet né galrro, buny predicarbu gonaʼcu né biquiimbu tratad ni laa ¿Sanitló galrrioop la?

Gonaʼcu gosaló gorudxaʼ. Gochbu hermana reʼ que goniʼsbu ló galnigolú, per ma xidzú íz de goló golsitbu de congregación. Per gonabbu Jehová ñacné láabu par nabiguetbu lainy xcudx Jehová. Hermana reʼ bidudy toib Biblia láabu né gosaló bisuidyibu.a

Xomodca Jehová, labúu guislooyno galrronladx buñ, ni raguiña xfamilno né herman ni noʼ lainy congregación xtunyno. Stoib mod ni labúu guislooyno cualidad reʼ, láani ngú guiyopyno oportunida par guinino xtiitz Dios.