Guiquintzayno dibuj né retrat

Publicaciones xtunyno nigolú bidzani de dibuj né retrat ni racné lóono guiaʼan guicno cós ni rareloguiaʼ. ¿Xí labúu gonyno par guiquintzayno láani?

• Bibiʼ dibuj né retrat ni sieed ló xquiichlo antes de guisuidylo toib artículo. Pentzi ngú sony que guiniiny looy ganlo más, né guichiinni looy goʼolo artículo cu. Xomodca galrro, primer rioladxno láani portín rabiʼno láani, antes de guálo galrro ló sentido espiritual, gonabdiitz looy: «¿Xí rabiʼya?» (Amós 7:7, 8).

• Laʼga cayoʼolo toib artículo, buny pensary xigony golú herman dibuj o retrat ni sieed loni. Pal sieed ro rarexa dibuj né retrat o toib comentario, bíil láani. Biyopy mod guienlo ximod radzak dibuj o retrat né tema xtuny artículo ni cayoʼolo né xi rasuidyni looy.

• Órni ma bilox bíilo artículo cu, biquiin retrat né dibuj ni sieed loni par gonylo toib repas de cós ni bireloguiaʼ. Después bitip bisalólo né buny por guisetnaladxlo dibuj né retrat ni sitnéni né xi bisuidyni looy.

• ¿Xigony diti rabiʼlo dibuj né retrat ni sieed ló revista reʼ, né buny prueby pal rasetnaladxlo láani?