¿Bia rsêdy noo ru Dios bguhtsme nzeʼ lo guidzyliee lá?

Dios bynîdyme gyré meñy ni nehx bzobdîdz no bislaame Noé no xfamiily (Génesis 7:11, 12, 23)

Cuarent dze no guiâl yahc ptsôü guió no nehx güliáhzu. Gydió lo guidzyliee bihts nzeʼ, no guhty gyré meñy di rquihñy.

Ángel yahc ni bydê chehx Jehová bzaʼn xcuerp de biahl, gupguiat yame gybâ no guhc yame tohsy no Bindzǎb. Ni naʼ nac yame demoony yahc.

Meñy güyuʼsy leñy arc bylaa. Güdeedy tiemp, Noé no xfamiily guhty yame, per Dios guisbahñy lêyame gyzác no bêy sbahñy yame tógahqsy.

Dios nguély gahc gibguiat gyniʼdyme meñy di rquihñy no guislaame meñy tsiâwy yahc (Mateo 24:37-39)

Bindzǎb no demoony yahc gaquihly yame meñy yahc lehty di guieñy yame Jehová.

Ni naʼ, bêy gahc lo xdze Noé, xtahl meñy yahc di né gzobdîdz Jehová, lêsu we nguély gahc gyniʼdyme meñy rtsô ni di rquihñy (2 Pedro 2:5, 6).

Per segahc nuu meñy yahc ni nac bêy gahc Noé no rtsô yame ni rnǎb Dios. Lêyame we xtestǐgü yahc Jehová.