UJeremiya
1 Lawa ngamazwi kaJeremiya* indodana kaHilikiya, omunye wabapristi base-Anathoti + ezweni lakwaBhenjamini. 2 Izwi likaJehova lafika kuye ezinsukwini zikaJosiya + indodana ka-Amoni, + inkosi yakwaJuda, ngonyaka ka-13 wokubusa kwakhe. 3 Lafika nasezinsukwini zikaJehoyakimi + indodana kaJosiya, inkosi yakwaJuda, kwaze kwaba sekupheleni konyaka ka-11 kaZedekiya + indodana kaJosiya, inkosi yakwaJuda, kwaze kwaba yilapho iJerusalema liya ekudingisweni ngenyanga yesihlanu. +
4 Izwi likaJehova lafika kimi, lathi:
Ngakwenza umprofethi ezizweni.”
6 Kodwa ngathi: “Maye, Nkosi EnguMbusi Jehova!
Angikwazi ukukhuluma, + ngoba ngisewumfana nje.” *+
7 UJehova wathi kimi:
“Ungasho ukuthi, ‘Ngisewumfana nje.’
Ngoba kumele uye kubo bonke labo engikuthuma kubo,
Kufanele ubatshele konke engikuyala ngakho. +
9 Ngemva kwalokho uJehova welula isandla sakhe wathinta umlomo wami. + UJehova wathi kimi: “Ngifake amazwi ami emlonyeni wakho. + 10 Bheka, ngikunike igunya namuhla phezu kwezizwe naphezu kwemibuso, ukuze usiphule futhi udilize, ubhubhise futhi ubhidlize, wakhe futhi utshale.” +
11 Izwi likaJehova laphinde lafika kimi, lathi: “Ubonani, Jeremiya?” Ngakho ngathi: “Ngibona igatsha lesihlahla som-alimondi.”*
12 UJehova wathi kimi: “Ubone kahle, ngoba ngiphapheme ngokuphathelene nezwi lami ukuze ngilifeze.”
13 Izwi likaJehova lafika kimi okwesibili, lathi: “Ubonani?” Ngakho ngathi: “Ngibona ibhodwe elibilayo,* umlomo walo ufulathele inyakatho.” 14 UJehova wabe esethi kimi:
“Kuyoqhamuka inhlekelele enyakatho
Ngokumelene nazo zonke izakhamuzi zakuleli zwe. +
15 Ngoba ‘ngibiza zonke izizwe zemibuso yasenyakatho,’ kusho uJehova, +
‘Zizofika; yileso naleso sibeke isihlalo saso sobukhosi
Emasangweni aseJerusalema, +
Zihlasele zonke izindonga zalo nxazonke
Nawo wonke amadolobha akwaJuda. +
16 Ngizomemezela izahlulelo zami ngokumelene nabo ngenxa yabo bonke ububi babo,
Ngoba bangishiyile, +
Bashunqisela abanye onkulunkulu umusi womhlatshelo +
Bakhothamela imisebenzi yezandla zabo.’ +
17 Kodwa wena kufanele ubhukule,*
Kumele usukume ubatshele konke engikuyala ngakho.
Ungabesabi, +
Ukuze ngingakwenzi uthuthumele phambi kwabo.
18 Ngoba namuhla ngikwenze waba yidolobha elinezivikelo eziqinile,
Insika yensimbi nezindonga zethusi ngokumelene nalo lonke leli zwe, +
Emakhosini akwaJuda nasezikhulwini zakhona,
Kubapristi bakhona nakubantu bezwe. +
19 Nakanjani bazolwa nawe,
Kodwa ngeke bakunqobe,
Ngoba ‘mina nginawe,’ + kusho uJehova, ‘ukuba ngikusindise.’ ”