Kujabulele Ukunikeza UbuFakazi Obuphelele
1 Sonke Siyakujabulela Ukwenza Izinto Esizenza Kahle. UMarku 7:37 Uthi Izixuku Zathi NgoJesu: “Wenzé Zonke Izinto Kahle.” Akumangalisi-Ke Ukuthi UJesu Wakujabulela Ukwenza Intando KaJehova! (Qhathanisa Namahubo 40:8.) Ngokucabangela Ukusikisela Okulandelayo, Nathi Ngokufanayo Siyojabula Njengoba Silalela Umyalo KaJesu ‘Wokuba Sishumayele Kubantu Futhi Sinikeze UbuFakazi Obuphelele.’ (Ize. 10:42) Ngo-January Sihambisa Incwadi Ethi Umuntu Omkhulu Kunabo Bonke Owake Waphila Noma Ethi Ukufuna Kwesintu UNkulunkulu. Singazisebenzisa Kanjani Lezi Zincwadi Ukuze Sinikeze UbuFakazi Obuphelele?
2 Njengoba abantu bevame ukukhathazeka ngezindaba zempilo, ungase uthi:
◼“Naphezu kwentuthuko enkulu eyenziwe kwezokwelapha, kusenokuhlupheka okuningi ngenxa yokugula. Ngombono wakho, kungani kunjalo? [Lindela impendulo.] UJesu Kristu wathi izifo eziwumshayabhuqe zaziyoba isici sezinsuku zokugcina. [Luka 21:11] Kodwa iBhayibheli lichaza nesikhathi lapho ukugula kuyobe kungasekho. [Funda u-Isaya 33:24.] Phawula indlela lencwadi ekhuthaza ngayo ukwethembela kulemfundiso yeBhayibheli eyisisekelo.” Qokomisa amazwi afanelekayo eSifundweni 46 noma 57 bese uhambisa incwadi ngomnikelo ka-R12,00.
3 Lapho ushumayela ngokwethukela eduze nezitolo, ungase ubingelele bese ubuza:
◼“Ingabe wena ubona sengathi izinto ziya zibiza kakhulu kulezi zinsuku kangangokuthi kuba nzima ukuhlangabezana nezindleko? [Lindela impendulo.] Ucabanga ukuthi siyoke sibe khona isikhathi lapho kuyoba nokulondeka kwangempela ngokomnotho?” Lindela impendulo. Yibe usuqokomisa iSifundo 52, esithi “UJesu Usuthisa Izinkulungwane Ngokuyisimangaliso,” udonsela ukunakekela emfanekisweni nasezingxenyeni ezifanelekayo. Hambisa incwadi ngomnikelo ka-R12,00. Ungase usho indlela oyijabulele ngayo ingxoxo yenu bese ubuza: “Ingabe ikhona indlela esingaqhubeka ngayo nalengxoxo ngesinye isikhathi?” Ngalendlela ungase ukwazi ukuthola inombolo yocingo noma ikheli lendlu lalowo muntu.
4 Ungase uthole ithuba lokuzama lentshumayelo lapho ukhuluma nomzali noma nomuntu osemusha:
◼“Intsha eningi ifuna abantu engase ibalingise, kodwa kunzima ukuthola abantu abakahle. UJesu Kristu wabekela wonke umuntu isibonelo esihle. [Funda eyoku-1 Petru 2:21.] Konke ukuphila kwakhe kwakugxile ekukhulekeleni uYise wasezulwini. Ucabanga ukuthi kungaba njani uma abantu abengeziwe bengazama ukumlingisa?” Lindela impendulo. Bhekisela esigabeni 3 ekhasini elandulela elokugcina lale ncwadi, esichaza izimfanelo zakhe ezikhethekile. Chaza indlela incwadi Umuntu Omkhulu engasisiza ngayo sonke ukuba sibe amaKristu angcono. Hambisa incwadi ngomnikelo ka-R12,00 bese wenza amalungiselelo aqinisekile okuphindela.
5 Lapho uphindela kulabo ababonisa isithakazelo, ungase uzame ukuqala isifundo seBhayibheli ngokushintshashintsha lendlela:
◼“Lapho sikhuluma esikhathini esidlule, waphawula okuthile okuthakazelisa kakhulu. [Yisho amazwi ashiwo yilowo muntu.] Bengilokhu ngicabanga ngalokhu, futhi ngingathanda ukuhlanganyela nawe okuthile engikuthole lapho ngicwaninga ngalendaba. [Funda kanye naye umbhalo ofanelekayo.] Kunesifundo samahhala esisiqhubayo esiye senza izigidi zabantu zakwazi ukuhlola izimfundiso eziyisisekelo zeBhayibheli ngesikhathi esifushane. Ukuhlola okunjalo kungakha ukwethembela kwakho ekugcwalisekeni okuqinisekile kwezithembiso zikaNkulunkulu.” Qokomisa eminye yemibuzo eyophendulwa. Uma umuntu esenqaba isifundo seBhayibheli, chaza ukuthi sinesinye isifundo esisheshayo esithatha imizuzu engu-15 kuphela ngesonto amasonto angu-16. Mbonise incwajana engangomagazini ethi Yini UNkulunkulu Ayifunayo?, uvule isifundo 1, bese ubuza ukuthi ungambonisa yini indlela esiqhutshwa ngayo ngokufunda isifundo sokuqala.
6Khumbula Ukusebenzisa Izimemo: Zingase zisetshenziswe ngokuphumelelayo esethulweni sakho ukuze wenze umuntu abe nesithakazelo ezintweni ezingokomoya, noma zingase zishiywe lapho ingekho incwadi eyamukelwe. Lapho kunesithakazelo, sebenzisa isigijimi esingemva kwesimemo ukuze ukhuthaze lowo muntu ukuba amukele isifundo seBhayibheli sasekhaya futhi eze emihlanganweni yethu.
7 Wenze ngobuciko umsebenzi wakho, uyowujabulela. Qikelela njalo ukuba unikeze ubufakazi obuphelele, futhi ukujabulele ukuzenza kahle zonke izici zenkonzo.—1 Thim. 4:16.