Izintshumayelo Ezisikiselwe

Zokuqala Izifundo ZeBhayibheli NgoMgqibelo Wokuqala Ku-September

“Abaningi bakholelwa ukuthi ngolunye usuku uNkulunkulu uyobahlulela ngokwezenzo zabo. Ucabanga ukuthi uSuku Lokwahlulela luyinto okufanele siyilangazelele noma siyesabe? [Lindela impendulo.] Phawula okushiwo yilo magazini.” Nika umninikhaya INqabayokulinda ka-September 1, bese nixoxa ngendaba esesihlokwaneni sokuqala ekhasini 16 nangomunye wemiBhalo elapho. Hambisa omagazini, bese uhlela ukubuya nizoxoxa ngombuzo olandelayo.

INqabayokulinda September 1

“Ezingxenyeni eziningi zomhlaba, abesifazane bayabandlululwa futhi baphathwa kabi. Kuyadabukisa ukuthi izinkolelo zenkolo ziye zaba nesandla kulokhu. Ucabanga ukuthi uNkulunkulu uyabakhathalela ngempela abesifazane? [Lindela impendulo.] Phawula ukuthi iBhayibheli lithi amadoda kufanele abaphathe kanjani omkawo. [Funda eyabase-Efesu 5:28, 29.] Lo magazini ubonisa lokho iBhayibheli elikwembulayo ngombono kaNkulunkulu ngabesifazane.”

Phaphama! September

“Abaningi bathi ukuphila kuyophela emhlabeni ngolunye usuku, mhlawumbe kuyoqedwa impi yenuzi noma inhlekelele engokwemvelo, njengezinguzunga ezivela emkhathini noma ukushintsha kwesimo sezulu emhlabeni. Ingabe ucabanga ukuthi lezo zibikezelo zosuku lwembubhiso zifanelekile, noma ucabanga ukuthi zimane nje ziyiphupho? [Lindela impendulo.] IBhayibheli linikeza lesi sithembiso esiduduzayo. [Funda iHubo 37:29.] Lo magazini uhlaziya ezinye izinto ezivame ukushiwo ngosuku lwembubhiso kanye nombono weBhayibheli onengqondo ngekusasa.”