Адгаларақәа рыхкқәа

«Аҳра иазку ажәабжь» № 38

«Сара салахәуп адунеизегьтәи акампаниа, убри аҟынтә ауаа акрызҵазкуа аинформациа рыдызгалоит. Ари шәара шәзоуп».

Азгәаҭа. Атерриториа зегьы аус адуларазы, еиҳа еиӷьуп икьаҿу адгаларақәа рыҟаҵара. Аха ҭагылазаашьақәак рҿы ауаҩы аинтерес аарԥшны, аицәажәара ациҵар ауеит. Усҟан абуклет ацәа иану азҵаара иазкны иара игәаанагара уазҵаар улшоит, анаҩс абуклет аҩныҵҟа иаагоу аҭак уизаԥхьар, насгьы аамҭа аанхозар зхәыцрақәак еилургар ауеит. Нас дазхьарԥш аҵыхәтәантәи адаҟьаҿ иаагоу азҵаара аҵаҟа иану ажәа «Шәазхәыц», насгьы уиацәажәа ҿыц шәеиқәшәарц уи аилыргаразы.

Аброшиура «Анцәа ибзиабараҿ иаҳԥырхагоу амц».

«Шәгәы ишԥаанаго, иарбан зегь иреицәоу мцу Анцәа изкны ауаа ирҳәо? [Уазыӡырҩы аҭак.] Абиблиа ишану ала, Анцәа иҭахуп ауаа зегь иара бзиа дырбаларц, насгьы игәра ргаларц. [Уаԥхьа Исаиа 41:13.] Ари ажурнал аҿы иҿаԥҽуп Анцәа изку имцу х-шьақәырӷәӷәарак, ауаа Анцәеи дареи реизыҟазаашьақәа аизырҳара ирԥырхагоу».

Аброшиура «Агәаԥхашәатә нормақәа — зегь иреиӷьу мазароуп».

«Ҳара игәаҳҭеит аӡәырҩы ргәы ишалоу иахьатәи ҳаилазаараҿы ауаа рҟазшьақәа ахьеицәахаз. Шәақәшаҳаҭума шәара аҵыхәтәантәи ашықәсқәа рзы ауаа ргәаԥхашәатә нормақәа зынӡа ишылаҟәхаз? [Уазыӡырҩы аҭак.] Абиблиаҿ заа иҳәан ауаа ргәазыҟашьеи рхымҩаԥгашьеи аҽшаԥсахуа. [Уаԥхьа 2 Тимофеи иахь 3:1—5.] Ари ажурнал аҿы иануп Абиблиаҿ зыӡбахә ҳәоу агәаԥхашәатә нормақәа рықәныҟәара захәҭоу».