Адгаларақәа рыхкқәа

Абиблиа аҵара ишалагатәу ноиабр амза раԥхьатәи асабшазы.

«Шәахәаԥш, иҟалозар, абра иану аинтерес зҵоу зҵаарак. [Ирба «Дыҟаҵәҟьоума Аҩсҭаа?» захьӡу аброшиура аҵыхәтәантәи адаҟьаҿы иану актәи азҵаара.] Шәара шәгәы ишԥаанаго?» [Уалацәажәа азҵаара анаҩс иану аматериал, насгьы ҵаҟа иаагоу жәеинраалак иадамзаргьы.] Ишәҭахызар, сара даҽазны сааиуеит, усҟан еилҳаргар ҳалшоит азҵаара избан Иисус ауаа рыԥсы зҭеиҵоз, насгьы иамоузеи уи ҵакыс ҳара ҳзы».

Аброшиура «Дыҟаҵәҟьоума Аҩсҭаа?».

«Шәара зныкыр шәазхәыцхьоума, избан адунеи аҿы абриаҟара ацәгьара зыҟоу? [Уазыӡырҩы аҭак.] Абиблиа иҳаилнаркаауеит ус изыҟоу. [Уаԥхьа Аатра 12:9.] Аха 12-тәи ажәеинраала агәыӷра азы ашьаҭа ҳнаҭоит. [Уаԥхьа 12:12.] Иаарласны иқәгахоит Аҩсҭаа иҟаиҵо иҽеим анырра. Астатиа «Иаԥсоума Аҩсҭаа ицәшәара?» захьӡу аҟны еиҭаҳәоуп ҳара иахьа Аҩсҭаа инырра аҟынтә ҳҽаҳахьчар шҳалшо, насгьы иаарласны Аҩсҭаа ихьуа. Ари шәара ишәтәуп.

Аброшиура «Анасыԥ аиура шалшо».

«Ауаа зегьы насыԥ рымазарц рҭахуп, аха инасыԥдоу ауаа даара ирацәоуп. Иузҭозеи, шәгәанала, анасыԥҵәҟьа? [Уазыӡырҩы аҭак.] Сара игәасҭеит Абиблиа аԥсҭазаараҿы анасыԥ аиураҿы ишуцхраауа. Иаҳҳәап, абри абиблиатә принцип. [Уаԥхьа Ауриацәа 13:5.] Ари аброшиураҿы иануп анасыԥҵәҟьа узаазго Абиблиа иану ԥшь-цаԥхак».