Амаҵзураҿы иҳамоу аҟазара еиӷьаҳтәуеит. Ауаа аус ахьыруа аҭыԥқәа рҿы ажәабжьҳәара шаҭаху

Уи зхадоу. Ирацәаҩны ауаа хәлаанӡа аус руеит, убри аҟынтә урҭ Аҳра иазку ажәабжь рызнагара знеишьас иамоу — аус ахьыруа анеира ауп. Ауаа аус ахьыруа ажәабжьҳәара иаанаго́ит ирацәаны агәырӷьареи алҵшәа бзиақәеи, избанзар ҩнаҭацыԥхьаӡа ажәабжьҳәара иаҿурԥшуазар, аусура ҭыԥқәа рҿы еснагь аӡә дыҟоуп, насгьы уаҟа ауаа патуқәҵарала рхы мҩаԥыргоит, избанзар ҳара акы аазхәо реиԥш иҳахәаԥшуеит. Ақәҿиара аиуразы ажәабжьҳәаҩцәа иаадырԥшлароуп агәеилых бзиа, насгьы ишахәҭоу еилаҳәазароуп (2 Кор. 6:3). Амаҵзуратә хылаԥшҩы дацклаԥшлароуп ажәабжьҳәаҩцәа шаҟа лассы-лассы ажәабжь рыларҳәо ауаа аус ахьыруа аҭыԥқәа рҿы, насгьы уи амаҵзура ахкы зҽалазырхәуа ажәабжьҳәаҩцәа зусҭцәоу.

Уи шыҟаҵатәу:

Ирхиа икьаҿу адгалара. Ауаҩы мыцхәы аамҭа ицәаҳгар, даҽазны ҳацәажәара иҭахымхар ҟалоит.
Ауаа рахь унеила дара рацәак ианеилахам, иаҳҳәап русура алагамҭазы.
Уҽазышәа раԥхьа адиректор, ма администратор иацәажәара. Аиҩызара аарԥшла. Иуҳәар улшоит: «Ҳара ҳҽазаҳшәоит ауаа иааркьаҿны рацәажәара русура ҭыԥқәа рҿы, избанзар урҭ аҩны рықәшәара мариам». Икьаҿу адгалара ҟаҵа, насгьы идгал абуклет, аброшиура, ма даҽа публикациак. Афинанстә цхыраара ҳазҭо иазымҵаауазар, хатәгәаԥхарала аҭара атәы алацәажәара иаԥсам, ахәаахәҭыҩцәа реиԥш ҳрымԥхьаӡарц азы.
Адиректор аиҩызара ааирԥшуазар, уиҳәа азин уиҭарц напхгара зиҭо иусуҩцәа иааркьаҿны рацәажәара. Усбарҭақәак рҿы еиӷьуп уразҵаар иҟалома аусуҩцәа рыԥсы ахьыршьо ауадаҿы алитература ааныжьра ҳәа.
Агәеилых бзиа аарԥшла, насгьы аҭагылазаашьақәа уҽрықәыршәала. Иаҳҳәап аусуҩ аахәаҩ диацәажәозар, мамзаргьы даҽа уск даҿызар, иус далгаанӡа уизыԥшы.

Ухы иархәа амза аҩныҵҟа абри алабжьара:

Имҩаԥысраны иҟоу шәҭаацәаратә мҵахырхәара аан уҽазыҟаҵа икьаҿу адгалара, ауаа аус ахьыруа аҭыԥқәа рҿы ажәабжьҳәара иазку, ус еиԥш иҟоу амаҵзура уҽалаурхәуазар.