АҚЬЫРСИАНТӘ ԤСҬАЗААРА
Арԥарцәеи аҭыԥҳацәеи, иҟьаҟьаӡа иаарту ашәқәа рыҩналара алшара шәаҩшәмыжьын
Ҳара еснагь ҳашқәыԥшу ҳаанхоит, насгьы Аҩсҭаа идунеи аҿы ажәра́ иацу «ихьанҭоу амшқәа» ахаангьы иаҳзааиуам ҳәа ахәыцра иашахом (Еккл. [Эк] 12:1). Уара уқәыԥшзар, ииашахома макьана аамҭа рацәаны иумоуп, насгьы адоуҳатә хықәкқәа рынагӡара, иаҳҳәап, апионертә маҵзура алагара, уахьӡоит ҳәа ахәыцра?
«Аха зегьы рзы аамҭеи амашәыри» ыҟоуп, иара убас иқәыԥшу рзгьы (Еккл. [Эк] 9:11). «Шәара ишәыздырам иара уаҵәыҵәҟьагьы иҟалараны иҟоу»,— ануп Абиблиа (Иак. 4:14). Убри аҟынтә адоуҳатә хықәкқәа рынагӡара макьана уахьӡоит ҳәа умхәыцлан. Урыҩнал макьана иҟьаҟьаӡа иаарту ашәқәа, насгьы аус анапалакра алшара уоуааит (1 Кор. 16:9). Ари аҩыза ашьаҿа ахьыҟоуҵаз ахаангьы уахьхәуам.
Иқәургылар алшо адоуҳатә хықәкқәа:
Даҽа бызшәак ала ицәажәо ажәабжь рзеиҭаҳәара
Апионертә маҵзура
Атеократиатә школқәа
Атеократиатә ргыларақәа
Вефиль аҿы амаҵ аура
Араионтә маҵзура