Иисус имаҷу агәыԥ ала ауаа рацәа ирчоит

32 шықәса ҳ. ҳ азы Мшаԥы азгәаҭара маҷк шагыз Иисус аԥшь-евангелиак рҿы зыӡбахә ану аџьашьахәы ҟаиҵеит.

Ари аџьашьахәы абзоурала Иисус иааирԥшит иҵаҩцәа дышреиҷаҳало.

14:16—21

• Иисус иҵаҩцәа ауаа рацәа акрырҿарҵарц реиҳәеит, ирымаз хә-чаки ҩ-ԥсыӡки рымацара шакәызгьы.

• Иисус ачеи аԥсыӡи иган Анцәа диҳәеит. Анаҩс иара уи иҵаҩцәа ириҭеит, аҵаҩцәа ауаа ирзыршеит.

• Афатә зегьы ирызхеит, уи инеиҳангьы еиҭа иаанхеит. Иисус ауаа рацәа акрырҿеиҵеит имаҷу агәыԥ — иҵаҩцәа рыла.

  

• Иисус заа иҳәеит аҵыхәтәантәи аамҭақәа рзы иара иҷыдоу агәыԥ ихы иархәаны иҵаҩцәа ианаамҭоу афатә шриҭало (Матф. 24:45).

• 1919 шықәсазы Иисус игәрагоу, иҟәышу атәы далихит (доуҳала иалху ақьырсианцәа ргәыԥ маҷ), урҭ аҩнтәиқәа ианаамҭоу афатә рырҭаларц азы.

• Доуҳала иалху ахацәа рыла ишьақәгылоу имаҷу ари агәыԥ ала Иисус актәи ашәышықәсазы иҟаиҵаз анагӡара даҿуп — имаҷу агәыԥ ала ауаа рацәа ирчоит.

Ишԥасылшо Иисус ижәлар доуҳала идырчаларц иахаиргылаз рыгәра шызго, насгьы рџьабаа пату шақәысҵо аасырԥшыр?