Ицқьоу ахымҩаԥгашьеи апатуқәҵареи ухатә ҩыза ирҳара иуцхраауеит

Аҭаацәара иалоу, иқьырсианцәахаз аҳәса лассы-лассы иҿырԥшыгоу рхымҩаԥгашьала рхацәа аҵабырг адкылара ирыцхраауеит. Аха зны-зынла уи акыршықәса иазыԥшуп, иуадаҩу аҭагылазаашьақәа рҿы ачҳара аарԥшны (1 Пиотр 2:21—23; 3:1, 2). Ииашамкәа ибызныҟәозар, ацәгьара бзиарала баиааила (Рим. 12:21). Иҿырԥшыгоу бхымҩаԥгашьа бхатә ҩыза еиҳа анырра инаҭоит, иарбанзаалак бажәақәа раасҭа.

Бҽазышәа аҭагылазаашьа бхатә ҩыза ихәаԥшышьала ахәаԥшра (Флп. 2:3, 4). Агәрыцҳашьара аарԥшла, иҭыԥ аҿы бхы ргылала, апатуқәҵара атәы бхамышҭлан, насгьы гәыкала аҭаацәаратә ҭакԥхықәрақәа нагӡала. Аӡырҩра базхиаз (Иак. 1:19). Ачҳара аарԥшла, насгьы бхатә ҩыза бзиа дшыббо агәра иргала. Бхатә ҩыза қьиаралеи патуқәҵаралеи дыбзыҟамзаргьы агәра ганы быҟаз Иегова бызиашара шибо, насгьы уи ахә ҳаракны ишишьо (1 Пиотр 2:19, 20).

ШӘАХӘАԤШ АВИДЕОНҴАМҬА «ИЕГОВА ИЦХЫРААРАЛА ЗЕГЬ АХГАРА ҲАЛШОИТ», АНАҨС АБАРҬ АЗҴААРАҚӘА РҬАК ҞАҴА:

• Изеиԥшрази Греис Ли лыԥсҭазаара аҭаацәара даналала раԥхьатәи ашықәсқәа раан?

• Илгәазырԥхазеи абиблиатә ҵабырг аилкаара?

• Ишԥалхылгоз аиаҳәшьа Ли аӡӡаахра ашьҭахь дзықәшәоз ауадаҩрақәа?

• Илҳәози Греис Ли лхаҵа изкны, лара Анцәа даниҳәоз?

• Зылԥхарақәас илоузеи аиаҳәшьа Ли ахымҩаԥгашьа цқьеи апатуқәҵареи ахьаалырԥшуаз азы?