АҚЬЫРСИАНТӘ ԤСҬАЗААРА
Есышықәсатәи аконгрессқәа абзиабара аарԥшра алшара ҳарҭоит
Бзиа изаҳбозеи есышықәсатәи ҳрегионалтә конгрессқәа? Ажәытә Израиль аҿы иҟаз есышықәсатәи аныҳәақәа реиԥш, арҭ аконгрессқәа шәҩыла, ма зықьҩыла ҳхаҵара ҳацеиҩызшои ҳареи Иегова имҵахырхәара алшара ҳарҭоит. Ҳара еснагь адоуҳатә фатә рацәаны иаҳзыԥшуп. Иара убас ҳара иаҳгәаԥхоит урҭ аконгрессқәа рҿы ҳҩызцәеи ҳҭынхацәеи рбара. Убри аҟынтә иаҳҭахӡам мышкгьы бжьаҳажьыр.
Ҳара зегьы ҳанеизо ибзиоуп егьырҭ рахьгьы абзиабара ааҳарԥшлар шҳалшо ҳазхәыцлар (Гал. 6:10; Аур. 10:24, 25). Ҳара аишьцәеи аиҳәшьцәеи рзы ашә аартны иаҳкызар, насгьы шаҟа ҳҭаху аасҭа еиҳаны аҭыԥ наҳамкылозар, егьырҭ ҳашрызхәыцуа ааҳарԥшуеит (Флп. 2:3, 4). Аконгрессқәа рҿы аҩызцәа ҿыцқәа ҳаԥшаар ауеит. Хықәкыс изықәаҳмыргыларызеи аӡәы иабадырра апрограмма алагаанӡа, ианынҵәалак ашьҭахь, ма аԥсшьара аамҭа азы? (2 Кор. 6:13). Убас наӡаӡа иҟазаало аиҩызара ашьаҭа шьҭаҳҵар ҳалшоит! Инаԥшуагьы абзиабара шааҳарԥшуа анырбо Иегова ижәлар рыҽрыдыркыларц рҭаххар алшоит (Иоанн 13:35).
УАХӘАԤШ АВИДЕОНҴАМҬА «ЖӘЛАРБЖЬАРАТӘИ АКОНГРЕССҚӘА „АБЗИАБАРА АХААН ИНҴӘАӠОМ“», АНАҨС ҴАҞА ИААГОУ АЗҴААРАҚӘА РҬАК ҞАҴА:
Ишԥаадырԥши аишьцәеи аиҳәшьцәеи абзиабара 2019 шықәсазтәи жәларбжьаратәи аконгресс иаҭааз рахь?
Избан Иегова имаҵзуҩцәа рыбжьара иҟоу акзаареи абзиабареи џьоушьартә изыҟоу?
Иарбан ақьырсиантә бзиабара иамоу ганқәоу Анапхгаратә хеилак еиҳарак иззааҭгылаз?
Ишԥаулшо аконгресс аҿы абзиабара аарԥшра?
Ишԥеиднакылеи ақьырсиантә бзиабара Германиеи Аладатәи Кореиеи инхо аишьцәеи аиҳәшьцәеи?
Иарбан гәазыҟашьоу иҳамазар ахәҭоу?