АҚЬЫРСИАНТӘ ԤСҬАЗААРА
Иегова аԥышәарақәа ҳанрықәшәо дҳацхраауеит
Арҭ аҵыхәтәантәи аамҭақәа рзы ҳара зегьы ирацәаны ауадаҩрақәа ҳрықәшәоит. Зны-зынла уаҳа ҳалымшошәа ҳбозаргьы ауеит. Аха Иеговеи ҳареи ҳаиҩызара ҳарӷәӷәозар, иара даара иӷәӷәоу аԥышәарақәагьы рыхгара дҳацхраауеит (Иса 43:2, 4). Ишԥаҳалшо ауадаҩрақәа раан Иеговеи ҳареи ҳаиҩызара арӷәӷәара?
Анцәаиҳәара. Иегова ҳцәаныррақәа анизеиҭаҳҳәо агәҭынчреи ҳауадаҩра ахгаразы иаҳҭаху амчи ҳаиҭоит (Фп 4:6, 7; 1Фс 5:17).
Аизарақәа. Ҳара уаанӡа аасҭа еиҳагьы адоуҳатә фатә ҳамазар, насгьы аишьцәеи аиҳәшьцәеи ҳареи аибабара ҳабжьазар ҳҭахуп. Уи зегьы Иегова аизарақәа рҿы иҳаиҭоит (Аур 10:24, 25). Урҭ ҳҽанырзыҟаҳҵо, Аҳратә зал ахь ҳаннеиуа, насгьы аҭакқәа аныҟаҳҵо Иегова иԥшьоу идоуҳа рацәаны иҳауеит (Аат 2:29).
Ажәабжьҳәара. Ҳара иааиԥмырҟьаӡакәа ажәабжьҳәара ҳцозар, ибзиоу акы ҳхы азышьҭра еиҳа иаҳзымариахоит. Уи адагьы, ажәабжьҳәараҿы ҳаныҟоу Иеговеи ҳареи, насгьы амаҵ зцаҳуеи ҳареи ҳаиҩызара ҳарӷәӷәоит (1Кр 3:5—10).
УАХӘАԤШ АВИДЕОНҴАМҬА «ИЕГОВА УИДИКЫЛОИТ», АНАҨС ҴАҞА ИААГОУ АЗҴААРАҚӘА РҬАК ҞАҴА:
Илыцхраазеи Малу иуадаҩыз аамҭақәа раан Иегова дизааигәаны аанхара?
Лгәы шԥадырӷәӷәеи Малу Аԥсалом 34:18 иану ажәақәа, насгьы иҳацхраар шԥарылшо урҭ ҳара?
Ишԥаҳнарбо Малу лҭоурых Иегова ҳамч аасҭа еиҳау амч шҳаиҭо? (2Кр 4:7).