Избан ауаа аламыс, апату зырцәыӡыз? Иаҳәозеи Абиблиа?

Ламысла зхы мҩаԥызго ауаа еиҳа-еиҳа имаҷхоит. Ахәышәтәырҭахь инеиуа ауаа аҳақьымцәа ирықәҟаауеит; акаҳуажәырҭақәеи аресторанқәеи рахь инеиуа ауаа рымаҵ зуа ладырҟәуеит; аҳаирпланқәа рҿы апасаџьырцәа аҳаирӷбамаҵзуҩцәа ирацәҳауеит; ашколхәыҷқәа узынкылаӡом, рырҵаҩцәа ирхыччоит, пату рықәырҵаӡом; аполитикцәа шьоукы аимак-аиҿакқәа рыҽрыларгалоит, егьырҭ аполитикцәа — ҳара ламыс ҳамоуп ҳәа иҽхәоит.

Абиблиа ибзианы иҳанаҳәоит аламыс, апату закәыҵәҟьоу. Уи иара убас иҳаилнаркаауеит иахьатәи аамҭазы ауаа уи аҟазшьа зырцәыӡыз.

Избан ауаа аламыс, апату зырцәыӡыз?

Аламыс, апату даараӡа ҟазшьа бзиоуп, аха адунеи ахьынӡанаӡааӡо ауаа уи аҟазшьа шырцәыӡыз ибзианы иубарҭоуп.

• Геллап иинститут иҟанаҵаз аҭҵаара иаанарԥшит Америка аҵыхәтәантәи 22 шықәса рыҩныҵҟа иахьа еиԥш ауаа аҟазшьа бзиақәа шырцәыӡыз еиԥш ахаан ишаҟамыз.

• 28 тәылак рҟынтә 32 000-ҩык ауаа злахәыз аҭҵаара мҩаԥган. Уи иалахәыз 65% ауаа ирҳәеит иахьа ауаа аламыс-апату рцәыӡны ишыҟоу еиԥш ахаан иҟамызт ҳәа.

Абиблиа заа иаҳәахьан ауаа иахьа ус рхы шымҩаԥыргало.

• «Аҵыхәтәантәи амшқәа раан аамҭа даараӡа [ицәгьахоит]. Ауаа рхы мацара иазхәыцлоит, аԥара бзиа ирбалоит, иҽхәалоит, рхы ҳарарклоит, Анцәеи ауааи иҽеимкәа ирыхцәажәалоит, рҭаацәа ирзыӡырҩлаӡом, ҭабуп ҳәа рҳәалаӡом... ргәыжәла цәгьахоит, абзиара рцәымӷзаауеит» (2 Тимофеи 3:1—3).

Ари аԥааимбаражәа анаӡара ишаҿу иазкны еиҳаны еилышәкаарц азы шәаԥхьа астатиа «Предсказала ли Библия, какими будут люди в наше время?»

Аламыс, апату аарԥшра иуцхраауа

Аламыс, апату аарԥшра иахьаҟәыҵыз адунеи аҿы миллионҩыла ауаа ирбоит Абиблиа шрыцхраауа уи аҟазшьа бзиа аизырҳара. Уа иану алабжьарақәа «еснагь, наӡаӡа урықәгәыӷыртә иҟоуп» (Аԥсалом 111:8). Абар ҿырԥштәқәак:

• Абиблиа иаҳәо: «Ауаа шәызныҟәалар шышәҭаху еиԥш, шәаргьы убас шәрызныҟәала» (Матфеи 7:12).

  Иаанаго: Ҳара ауаа пату рықәаҳҵалароуп, ламысла-патула ҳрызныҟәалароуп, ҳара иҳазныҟәалар шаҳҭаху еиԥш.

• Абиблиа иаҳәо: «Уажәшьҭа амцҳәара шәанаҟәыҵ, аиаша еибышәҳәала» (Ефесаа 4:25).

  Иаанаго: Еснагь аиаша ҳҳәалароуп, ҳусқәагьы аиаша шаҳҳәо аадырԥшлароуп.

Ари атема инадҳәаланы иҵегь еилышәкаарц азы шәаԥхьа:

• «Ахьчаратә бааш», хьӡыс измоу «Как понять, что хорошо, а что плохо?»

• Астатиа «Библия помогает проявлять терпимость».