АХӘҬА 9

Ианбаҟало Џьанаҭ?

Иахьа адгьылаҿы имҩаԥысуа ахҭысқәа ишьақәдырӷәӷәоит, иаарласны Анцәа Иаҳра шааиуа. Лука иҟнытә 21:10, 11; 2 Тимофеи иахь 3:1—5

Аҵыхәтәантәи амшқәа раан иҟоу ауадаҩрақәа: аԥара ықәҵаны ахәмарра, аибашьра, ачымазара, амлакра, аҳәатәхамҵара, аҭаацәараҿы ақәымчра

Абиблиа аҟны заа ианҵан иахьа имҩаԥысуа ахҭысқәа рацәаны. Уаҟа иаҳәоит ауаа аԥареи агәаҳәарақәеи бзиа ишырбало, рҭаацәа ишырзымӡырҩло, насгьы агәымбылџьбара шаадырԥшло.

Иҟалоит адгьылҵысра дуқәа, аибашьрақәа, афатә азымхареи ачымазара ҿкқәеи. Абарҭ зегьы иахьа аҟалара иаҿуп.

Иегова ишаҳаҭ ахаҵа Анцәа Иаҳра иазку ажәабжь бзиа изеиҭеиҳәоит

Иисус иара убасгьы заа иҳәахьан, Аҳра иазку ажәабжь бзиа адгьыл ахьынӡа-наӡааӡо ишрылаҳәахо (Маҭфеи иҟнытә 24:14).

Аҳра иқәнахуеит ацәгьара зегьы. 2 Пиотр 3:13

Ауаа цәгьақәа Армагеддон аҿы иқәгоуп, Аҩсҭааи адемонцәеи ахьырхәуп

Иегова иаарласны ауаа цәгьақәа зегьы ықәихуеит.

Аҩсҭааи адемонцәеи ахьырхәхоит.

Иисус жәҩантәи аҳраҿы дтәоуп, еиуеиԥшым ажәларқәа рҟынтә ауаа гәырӷьоит

Анцәа изыӡырҩуа зегьы, ииашоу адунеи ҿыц аҟны иаанхоит аԥсҭазааразы, ашәара ахьыҟам, насгьы аӡәи-аӡәи рыбжьара агәреибагареи абзиабареи ахьрыбжьазаауа.