АШӘА 103
Ахьчацәа — «ауаа аҳамҭақәа»
1. Ҳамҭас иҳаут зеиԥшыҟам ауаа —
Ахьчацәа, згәы былуа.
Ҳарҭ Анцәа имҩа ҳбоит еилыкка,
Урҭ ҳанырзыӡырҩуа.
АХАПА
Ацаҟьа шәшьыра, ԥсы зхоу аӡыхь,
Ԥшацәгьа иацәызго ҳаԥсы.
Анцәа иԥсаса рнапы ианҵоуп.
Рааԥсара ҳхашҭуам бзанҵы!
2. Аразра рныԥшуеит ражәа хаақәа.
Рабжьгара — гәыбылроуп.
Ҳахәрақәа ҿарҳәарцгьы урҭ азхиоуп,
Ҳгәаҟрагь ҳацәырхьчарцоуп.
АХАПА
Ацаҟьа шәшьыра, ԥсы зхоу аӡыхь,
Ԥшацәгьа иацәызго ҳаԥсы.
Анцәа иԥсаса рнапы ианҵоуп.
Рааԥсара ҳхашҭуам бзанҵы!
3. Урҭ иаҳдырҵоит Анцәа изакәан,
Имҩала ҳа ҳцаларц,
Анцәа иԥҟарақәа наҳагӡарц,
Ҳацқьарагьы ҳахьчарц.
АХАПА
Ацаҟьа шәшьыра, ԥсы зхоу аӡыхь,
Ԥшацәгьа иацәызго ҳаԥсы.
Анцәа иԥсаса рнапы ианҵоуп.
Рааԥсара ҳхашҭуам бзанҵы!
(Уахәаԥш иара убас Ис. 32:1, 2; Иер. 3:15; Иоанн 21:15—17; Аус. 20:28.)