АБИБЛИАТӘ ЗҴААРАҚӘА РҬАК

Ари аԥсҭазаара — иҳамоу зегь аума?

Шәхы шәазҵаахьоума зныкыр: ҳара ҳзынхо ахәмарраччара, аус аура, аҭаацәара аԥҵара, ахәыҷқәа рааӡара, ажәра́ рзы мацара аума? (Иов 14:1, 2). Абиблиа иаҳнарбоит даараӡа иҟәышыз ауаагьы уи ишазхәыцуаз. (Шәаԥхьа Екклезиаст 2:11.)

Иамоума аԥсҭазаара аҵакы? Ари азҵаара аҭак аҟаҵаразы, раԥхьа еилкаатәуп аԥсҭазаара шыҟалаз. Аӡәырҩы ҳахшыҩи ҳцәеижьи шаҟа џьашьахәыла ишоу ианазхәыцуа, дара алкаа ҟарҵоит аԥсҭазаара ҳазҭаз иҟәыӷоу Ашаҩы шиакәу. (Шәаԥхьа Ԥсалом 139:14.) Ус анакәха, уи ҳанишоз, иара, ҳәарада, иман иалкаау ахықәкы! Уи ахықәкы анеилаҳкаалак, ҳара ҳаԥсҭазаара аҵакы аҳҭоит.

Избан Анцәа ауаа зишаз?

Анцәа раԥхьатәи хаҵеи-ԥҳәыси дрықәныҳәеит, насгьы адҵа ду риҭеит. Иара урҭ наӡаӡа инхаларц, адгьыл ықәдырҭәааларц, насгьы уи џьанаҭны иҟарҵарц иҭахын. (Шәаԥхьа Аҟазаара 1:28, 31.)

Ауаа Анцәа имчра иахьаҿагылаз иахҟьаны, игәҭакы аамҭала иаанкылан. Аха Анцәа ауааи адгьыли ирыдҳәалоу игәҭакы имԥсахӡеит. Абиблиа агәра ҳнаргоит ауаа бзиақәа реиқәырхаразы, насгьы адгьыл иадҳәалоу игәҭакы анагӡаразы Анцәа иҟаиҵаз шырацәоу. Агәра ганы шәыҟаз Анцәа аԥхьанатә ауаа рзы игәы иҭакны имаз аԥсҭазаара шәоурц шиҭаху! (Шәаԥхьа Ԥсалом 37:29.) Абиблиа аҟынтәи еилышәкаа Анцәа игәҭакы анагӡара шәыԥсҭазаара шаԥсахуа.