Анапхгаратә хеилак иахәҭакхаз аиашьа

АХАША, ианвар 24, 2018 шықәсазы Еиду Аштатқәеи Канадеи иҟоу авефильтә ҭаацәарақәа ашьжьымҭан иҷыдаз, игәырӷьаҿҳәашаз алаҳәара роуит: аиашьа Кеннет Кук Анапхгаратә хеилак иалахәу дыруаӡәкхеит.

Аиашьа Кук диит, насгьы изҳаит аштат Пенсильваниа, Еиду Аштатқәа рҟны. Аҵабырг иаҳаит ашкол даналгоз аҵара ицызҵоз иҟынтә, насгьы ииун 7, 1980 шықәса рзы аӡы иҽӡааихит. Сентиабр 1, 1982 шықәсазы иара апионертә маҵзура далагеит. Ҩышықәса пионерс амаҵ аниу ашьҭахь, аиашьа Кук Вефиль ахь ааԥхьара иоуит, убас ала октиабр 12, 1984 шықәсазы иара Уолкил (аштат Ниу-Иорк) аҿы амаҵ аура далагеит.

Анаҩстәи 25 шықәса рыҩныҵҟа аиашьа Кук атипографиеи Вефиль абиуро аҿи еиуеиԥшым амаҵзура ахкқәа наигӡон. 1996 шықәсазы иара Џьеими ԥҳәысс дигеит, ларгьы Уолкилл Вефиль аҿы амаҵ аура далагеит. Декабр мза 2009 шықәсазы аиашьа Кук иԥшәмеи иареи Паттерсон (аштат Ниу-Иорк) иҟоу Ахьчаратә бааш арҵаратә центр ахь ииаргеит. Уа аиашьа Кук аԥхьаҩцәа рысаламшәҟәқәа рҭакқәа ахьыҟарҵо аҟәшаҿы амаҵ аура далагеит. Апрель мза 2016 шықәсазы дара еиҭах Уолкиллҟа ихынҳәит, аха уа рацәак иаанымхеит, избанзар Бруклинҟа (аштат Ниу-Иорк) идәықәырҵеит. Хәымз рышьҭахь дара Уорвик (аштат Ниу-Иорк) иҟоу ихадоу аусбарҭахь ииаргеит. Ианвар 2017 шықәсазы аиашьа Кук Анапхгаратә хеилак Аҩратә комитет ацхырааҩс амаҵ аура далагеит.