Аброшиура ҿыцқәа ахьнаҳго аҭыԥқәа ҳаԥшаалар, уи Абиблиа аҵарахьы ҳнанагоит
1. Избан Иегова иорганизациа иҳанаҳәоижьҭеи акыр зааҵуа, аброшиура ҿыцқәа ахьнаҳго аҭыԥқәа рхыԥхьаӡара еизҳарҳаларц?
1 Аӡәырҩы ауаа Абиблиа аҵара иақәшаҳаҭхом, аха дара гәахәарала ҳаброшиурақәа ирыԥхьоит. Убри аҟынтә Иегова иорганизациа акыр ҵуеит иҳанаҳәоижьҭеи аброшиура ҿыцқәа ахьнаҳго аҭыԥқәа рхыԥхьаӡара еизҳарҳаларц. Иааиԥмырҟьаӡакәа ҳпубликациақәа ирыԥхьо ауаа Анцәа иажәахь лассы-лассы аинтерес рызцәырҵуеит (1 Пиот. 2:2). Иҟалап знымзар-зны урҭ изыԥхьаз акы ргәаҵанӡа инеир, насгьы Абиблиа аҵара иақәшаҳаҭхар.
2. Ишԥаҳалшо иааиԥмырҟьаӡакәа аброшиурақәа зызнаҳго ауаа ринтерес аизырҳара?
2 Аӡы аҵашәҭәала аҵабырг ажәла. Аброшиурақәа ауаҩы ус баша изнагара мацара адагьы, шәиацәажәала, насгьы иара еиӷьны иабадырра хықәкыс ишәымаз. Уи абзоурала шәара еилышәкаауеит иара иҭагылазаашьа, ихәаԥшышьа, насгьы иинтересқәа, абарҭқәа зегьы аилкаара аарԥшны иацәажәараҿы ишәыцхраауеит (Ажәам. 16:23). Унеицыԥхьаӡа уҽазыҟаҵала. Иахьынӡазалшо ала ҿыц инажәго аброшиура аҟынтәи зхәыцрак иаҵышәшьла ианаало ажәеинраалагьы нацҵаны, игәаҿы илаҳҵаз аҵабырг ажәла аӡы аҵаҭәо (1 Кор. 3:6). Ианышәҵала шәаннеиз амш, иааншәыжьыз алитература, насгьы шәызлацәажәаз атемеи ажәеинраалақәеи.
3. Шаҟа лассы-лассы ирызнеилатәузеи иааиԥмырҟьаӡакәа аброшиурақәа ззаанҳажьуа ауаа?
3 Шаҟа лассы-лассы инеилатәузеи? Ауаа аброшиура ҿыцқәа рызнагара мызкахьы знык иахәҭоуп. Аха ауаҩы аинтерес имазар, насгьы шәара шәҭагылазаашьа иалнаршозар, еиҳа лассы-лассы шәиҭаалар шәылшоит. Иаҳҳәап, аброшиурақәа ааныжьны мчыбжьык-ҩымчыбжьа рышьҭахь шәеиҭахынҳәны ишәҳәар шәылшоит: «Сара сышәзааит ишәзаансыжьыз аброшиура ианыз зхәыцрак шәсырбарц». Уи статиак аԥхьара игәазҭанаҵар алшоит. Астатиа даԥхьахьазар, игәаанагара шәазҵаар ҟалоит, насгьы иааркьаҿны шәахцәажәар. Ауаҩы ҳлитература аԥхьара бзиа ибозар, идыжәгалар шәылшоит абуклет, ашәҟәы ма ари амзаҿы ирылаҳарҵәо публикациак.
4. Иҟаҳҵалар ҳалшозеи ҳара аамҭа-аамҭала, аброшиурақәа зызнаҳго ауаҩы Абиблиа аҵара алагара дазхиоу-дазхиаму еилаҳкаарц?
4 Ауаҩы ихала Абиблиа аҵара данаҳәо ҳәа шәазымԥшын. Аинициатива аашәырԥшы. Ауаҩы уаанӡа Абиблиа аҵара мап ацәикуазҭгьы, аамҭа-аамҭала иҳарбалар ҳалшоит аларҵәаразы аброшиура аҟынтәи арубрика «Абиблиатә зҵаарақәа рҭакқәа», насгьы мап имкуазар уи ахцәажәара. Иҟалап аҩнашә аԥхьа Абиблиа аҵара шәзалагар. Аха ишыҟазаалакгьы аброшиурақәа рызнагалатәуп, ирымоу аинтерес аизырҳаразы.