Амаҵзураҿы иҳамоу аҟазара еиӷьаҳтәуеит. Хаҭала ауаа рахь аинтерес шаарԥштәу
Уи зхадоу. Иисус дрызҿлымҳан ауаа зегь рҭахрақәа, насгьы хаҭалатәи аинтерес ааирԥшуан. Иаҳҳәап, зны Иисус иихәышәтәырц ииҭахыз идагәаз ауаҩы дыԥхашьозшәа аниба икылԥш-кылӡырҩуаз ауаа ахьыҟамыз аҭыԥахь днаскьаигеит (Мар. 7:31—35). Иара иҵаҩцәа ирылымшоз аусқәа шыҟаз еиликаауан, насгьы мыцхәы аинформациа риҭомызт (Иоан. 16:12). Иисус ажәҩан аҿы дшыҟоугьы, иара ауаа рахь хаҭала аинтерес ааирԥшуеит (2 Тим. 4:17). Иисус ишьҭанеицәа раҳасабала, ҳара иара ҳаиҿыԥшлар ҳҭахуп (1 Пиот. 2:21; 1 Иоан. 3:16, 18). Уи адагьы, ажәабжьҳәараҿы ақәҿиара ҳамазаауеит ауаа ҳанрызхәыцуа, урҭ рҭагылазаашьа, иара убас интересс, ма гәырҩас ирымоу анеилаҳкаауа. Урҭ еиҳа еиӷьны иаҳзыӡырҩуеит, дара рахь гәыкала аинтерес анааҳарԥшуа, ираҳҳәаша, ма ирзаанҳажьша мацара ҳазымхәыцкәа.
Ухы иархәа амза аҩныҵҟа абри алабжьара:
Адгаларақәа угәалауршәалар улшоит аҭаацәаратә мҵахырхәара, ма ажәабжьҳәара аан. Уҽазышәала ауаҩы дызлацәажәо атема уазхәыцны иҟауҵо адгаларақәа рыԥсахра.
Ажәабжьҳәара иазку аиԥыларақәа мҩаԥызго аиашьа зны-зынла дахцәажәалар ҟалоит ауаа рахь хаҭала аинтерес шаарԥшлатәу, нас уи иақәнаго адемонстрациақәа еиҿикаар илшоит.