Амаҵзураҿы иҳамоу аҟазара еиӷьаҳтәуеит. Аиҭанеиразы ашьаҭа шышьҭаҵатәу

УИ ЗХАДОУ:

Ҳара еиҭаҳҳауа аҵабырг аӡы аҵаҳҭәалар ҳҭахуп (1 Кор. 3:6). Ауаҩы аинтерес ааирԥшуазар, ибзиоуп азҵаара аартны ааныжьра даҽазны алацәажәаразы. Убасҟан уи ауаҩы даҳзыԥшызаауеит, насгьы аиҭанеира ҳзымариахоит. Дырҩегь ҳаннеилак, иаҳҳәар ҳалшоит уаанӡа ишьҭаҳхыз азҵаара ҳалацәажәарц ҳшааз.

УИ ШЫҞАҴАЛАТӘУ:

• Ҩнаҭацыԥхьаӡа ажәабжьҳәаразы адгалара уҽаназыҟауҵо, даҽазны зҭак ҟауҵаша азҵаарагьы рхиа. Уи азҵаара аҭак анызар алшоит ауаҩы идугало апубликациаҿы, мамзаргьы аиҭанеиразы ухы иаурхәарц иуҭаху аҵаразы ацхыраагӡаҿы.

• Аинтерес аазырԥшуа ауаҩы иацәажәара аныхуркәшо, иҳәа дырҩегь уиқәшәарц шуҭаху, насгьы иурхиаз азҵаара иҭ. Иахьынӡалшо ауаҩы дызлауԥшааша аинформациа еилкаа.

• Уаннеиуа амши асааҭи иоуҳәазар, уажәа нагӡа (Матф. 5:37).