Амаҵзураҿы иҳамоу аҟазара еиӷьаҳтәуеит. Аиҭанеирақәа рыҟаҵашьа ҳҵоит

УИ ЗХАДОУ: Аӡәырҩы ауаа Аҳра иазку ажәабжь ахь аинтерес рымоуп, насгьы Анцәа изкны аҵабырг еилыркаар рҭахуп (Ис. 55:6). Ауаҩы Анцәа еиҳа еиӷьны иеилкаара ҳицхраарц азы лассы-лассы ҳаиҭаалароуп. Ауаа рҭагылазаашьақәа еиԥшӡам, убри аҟынтә урҭ ирымоу аҭагылазаашьақәа ҳаҽрықәҳаршәалароуп. Аха ҳмаҵзура еиҳагьы алҵшәа аанагалоит, аиҭанеира ибзианы ҳҽазыҟаҳҵозар, ҳазлацәажәо атема заа иалҳхуазар, насгьы Абиблиа аҵара ҳалагар шҳалшо ҳазхәыцуазар.

УИ ШЫҞАҴАТӘУ:

• Аиҭанеира аҟаҵаразы рацәак аамҭа умгалан, иаҳҳәап, мышқәак рышьҭахь еиҭа унеир улшоит (Матф. 13:19).

• Ахаареи аҳаҭырқәҵареи аарԥшла. Иманшәалоу аҭагылазаашьа рхиа.

• Гәыкала ауаҩы аԥсшәа иаҳәа. Ихьӡ ҳәаны уиацәажәала. Узааз игәаларшәа. Иҟалап дақәургәыӷхьазҭгьы изҵаара аҭак шыҟауҵо, ажурнал ҿыц шизнауго, авидеонҵамҭа ма ҳсаит ихы ишаирхәаша шиурбо, мамзаргьы Абиблиа аҵара шымҩаԥысуа шиеилуркаауа. Ауаҩы даҽа темак ахь еиҳа аинтерес имазар, аиҿцәажәара ацҵара уазхиаз (Флп. 2:4).

• Ауаҩы аҵабырг ахь аинтерес изцәырҵырц азы, Абиблиа аҟынтә азхәыцрақәа дрызхьарԥшла. Иара убас публикациақәак изнаугалар улшоит (1 Кор. 3:6). Иҩызахара уҽазышәа.

• Аҵыхәтәаны даҽазны шәызлацәажәо атема уахцәажәар улшоит.