Аицәажәара алагара иҳацхраауа арубрика ҿыц

2016 шықәса ианвар мза инаркны аларҵәаразы аброшиура аҵыхәтәантәи адаҟьаҿы ицәырҵит арубрика ҿыц «Иаҳәозеи Абиблиа?» захьӡу. Уи ҳацхраауеит абиблиатә темақәа шьаҭас иҟаҵаны ауаа рацәажәара. Ари арубрика абуклетқәа реиԥш еиқәыршәоуп. Уа иаагоуп ауаҩы игәаанагара аилкааразы азҵаара, Абиблиа аҟынтә аҭак, иара убас уи атема иадҳәалоу даҽа материалк.

Абиблиа шьаҭас измоу аицәажәарақәа алшара ҳарҭоит абиблиатә ҵара алагара. Ари арубрика ҿыц ухы иархәала аиаша-ҵабырг иазгәышьуа ауаа еиҳа ирацәаны урыцхраарц азы (Матф. 5:6).

АРИ АРУБРИКА ҲХЫ ИШАҲАРХӘАЛАША:

1. Уиазҵаа ауаҩы иаагоу азҵаарақәа руак азы игәаанагара

2. Уизыӡырҩы, насгьы иҟаиҵаз аҭак азы ҭабуп ҳәа иаҳәа

3. Уаԥхьа ахеиҵа «Абиблиа иаҳәо» аҵаҟа иаагоу ажәеинраала, насгьы уи ажәеинраалазы игәаанагара уазҵаа. Аамҭа имазар, ахеиҵа «Абиблиа аҟынтә еиҭа еилаҳкаар ҳалшо» аҵаҟа иаагоу аматериал ухы иархәаны аицәажәара нагӡа

4. Идгал аброшиура

5. Еибышәҳәа ҿыц шәеиқәшәарц аҩбатәи азҵаара алацәажәаразы