Апионерцәа аштат Чьиапас (Мексика) ажәабжь бзиа цоциль бызшәала еиҭарҳәоит
Адгаларақәа рыхкқәа
АБРОШИУРА «ИҞОУЗЕИ АДОУҲАТӘ ДУНЕИ АҾЫ?»
Азҵаара: Ажәҩан аҿы иҟоузеи ҳәа аӡә дшәазҵаазҭгьы, аҭак шԥаҟашәҵарыз?
Ажәеинраала: Иоанн 8:23
Апубликациа: Ари аброшиура аҟынтәи шәара еилышәкаауеит Иисус Христос Иаби иареи ажәҩан иазкны иаҳзеиҭарҳәаз.
АҴАБЫРГ ДШӘЫРҴАЛА
Азҵаара: Шәақәшаҳаҭума арҭ аԥааимбаражәақәа иахьа ишынаӡо?
Ажәеинраала: 2 Тим. 3:1—5
Аҵабырг: Аҵыхәтәантәи аамҭақәа ирызку арҭ абиблиатә ԥааимбаражәақәа наӡазар, иаҳҳәар ҳалшоит иаҳзыԥшу аԥсҭазаара бзиа иазку аԥааимбаражәагьы шнаӡо.
«ИЗАҬАХУЗЕИ АБИБЛИА АИЛКААРА?» (Авидео)
Алагамҭа: Иахьа ҳара ауаа идҳарбоит икьаҿу авидеонҵамҭа, уи иҳаилнаркаауеит ихадоу азҵаарақәа рҭак рыԥшаара ахьҳалшо. [Идырба авидеонҵамҭа.]
Апубликациа: Ари ашәҟәы Абиблиа шьаҭас иамоуп. Уи ишәеилнаркаауеит Анцәа адунеи аҿы иҟоу ауадаҩрақәа рҵыхәтәа шԥиҵәо. [Идгал ашәҟәы «Иаҳнарҵаҵәҟьозеи Абиблиа?».]
ЕИҚӘЫРШӘА УХАТӘЫ ДГАЛАРА
Урҭ шьаҭас иҟаҵаны шәхатәы дгаларақәа еиқәшәыршәа.