Аизарахь аныҟәара иаҟәыҵыз урыцхраала

Аҩаша, апрель 11 рзы имҩаԥысраны иҟоу Ахәылԥаз аҿы аизарахь аныҟәара иаҟәыҵыз ақьырсианцәа рацәаҩны иҟалоит. Арҭ аишьцәеи аиаҳәшьцәеи ҽнак зны аԥсҭазааратә мҩа ианылеит, аха ԥыҭрак ашьҭахь еиуеиԥшым амзызқәа ирыхҟьаны иԥсыҽхо иалагеит (Аур. 12:1). Мзызқәак ртәы ҳаԥхьар ҳалшоит аброшиура «Вернись к Иегове» аҿы. Аха Иегова урҭ ақьырсианцәа уаанӡа еиԥш рыхә ҳаракны ишьоит, избан акәзар урҭ ҿихит акыр иаԥсоу Иԥа ишьала (Аус. 20:28, АдҾ; 1 Пиотр 1:18, 19). Ишԥаҳалшо урҭ аизарахь ихынҳәырц азы рыцхраара?

Ахьча иҟьалаз ауаса шиԥшаауа еиԥш, аизара аиҳабацәа аизарахь аныҟәара иаҟәыҵыз рыԥшаауеит, насгьы рыцхраара рҽазыршәоит (Лука 15:4—7). Уи иаҳнарбоит Иегова аиҷаҳареи абзиабареи шааирԥшуа (Иер. [Иер] 23:3, 4). Аха аизара аиҳабацәа реиԥш, ҳаргьы аизарахь аныҟәара иаҟәыҵыз ақьырсианцәа рыцхраара ҳалшоит. Ҳара ҳџьабаа Иегова игәеиҭоит; урҭ рахь иааҳарԥшуа ақьиаразы даҳзылԥхоит (Ажәам. [Пр] 19:17; Аус. 20:35). Убри аҟынтә уазхәыц ус иҟоу ацхыраара зуҭар улшо,— насгьы аамҭа мгакәа уи ҟаҵа!

УАХӘАԤШ АВИДЕОНҴАМҬА «ВНИМАНИЕ К НЕАКТИВНЫМ», НАСГЬЫ АНАҨСТӘИ АЗҴААРАҚӘА РҬАК ҞАҴА:

• Иҟалҵазеи Ебби, аизарахь аныҟәара иаҟәыҵыз илзымдыруаз аиаҳәшьа ажәабжьҳәараҿы данлықәшәа?

• Избан аизарахь аныҟәара иаҟәыҵыз рыцхраара ҳалагаанӡа, аизара аиҳабацәа ҳрыдҵаалар захәҭоу?

• Лыҽшԥазыҟалҵеи Ебби, Лора лахь аҩынтә раан дцаанӡа?

• Ишԥаалырԥши Ебби ачҳареи абзиабареи, Лора лыцхраара лҽаназылшәоз?

• Иаҳнарҵозеи Лука 15:8—10 иану Иисус ииҳәаз ажәамаана?

• Иарбан лҵшәақәоу иааргаз Еббии аизара аиҳабацәеи рџьабаа?