Амаҵзураҿы иҳамоу аҟазара еиӷьаҳтәуеит. Ажәабжьҳәара алшара ҳазҭо аицәажәара ишалагатәу

Иисус самариатәи аԥҳәыс шаҳаҭра лыҭара илшеит, избанзар лацәажәара далагеит. Ишԥаҳалшо ауаа рацәажәара алагараҿы ҳҟазара еиӷьаҳтәыр?

• Ауаа рацәажәара шәазхиаз. Иисус дааԥсаны дшыҟазгьы, аԥҳәыс лацәажәара далагеит, уи азы аӡы илыржәырц длыҳәеит. Убас еиԥш, аицәажәара шәалагарц азы шәара ишәылшоит хаала аԥсшәа шәҳәар, анаҩс амш зеиԥшроу, мамзаргьы ааигәа иҟалаз хҭыск шәалацәажәар. Ишәгәалашәоз, раԥхьа хықәкыс ишәымоу аицәажәара алагара ауп, убри аҟынтә ауаҩы игәаԥхар алшо акы шәалацәажәа. Уи ацәажәара иҭахымхаргьы, шәгәы кашәмыжьын, даҽаӡәы шәиацәажәар шәылшоит. Иегова агәымшәара шәиҭарц шәиҳәа (Неем. 2:4; Аус. 4:29).

• Ауаа ажәабжь бзиа раҳәара алшара шәаҩшәмыжьлан, аха мыцхәы шәмыццаклан. Аицәажәара ишцо ицалааит. Даҽа темак ахь иаразнак шәиасыр, ауаҩы игәамԥхар, насгьы ацәажәара даҟәыҵыр алшоит. Шәгәы кашәмыжьын шаҳаҭра жәуаанӡа шәеицәажәара хыркәшахар. Иформалтәым аҭагылазаашьаҿы шаҳаҭра аура шәцәыуадаҩзар, шәҽазышәшәа баша ауаа рацәажәара, шаҳаҭра ҟамҵаӡакәа. [Идырба, анаҩс уахцәажәа авидеонҵамҭа 1.]

• Шәҽазышәшәа ауаҩы аинтерес изцәырызгар алшо шәыгәрахаҵара иадҳәалоу акы алацәажәара. Иисус аԥҳәыс азҵаарақәа лызцәырызгоз атема алацәажәара далагеит. Убри аҟынтә иара ажәабжь бзиа аиҭаҳәарахь даниас, лара лхаҭа азҵаарақәа рықәыргылара далагеит, иара уи лызҵаарақәа рҭак ҟаиҵон. [Идырба, анаҩс уахцәажәа авидеонҵамҭа 2, анаҩс идырба, насгьы уахцәажәа авидеонҵамҭа 3.]