Амаҵзураҿы иҳамоу аҟазара еиӷьаҳтәуеит. Иформалтәым аҭагылазаашьаҿы шаҳаҭра ҳурц ацәажәара ишалагалатәу

Уи зхадоу. Ҩнаҭацыԥхьаӡа ажәабжь анаҳҳәо, ҳара лассы-лассы игәаҳҭоит аӡәырҩы ауаа аҩны ишыҟам. Аха ҳара урҭ ҳрықәшәар ауеит азеиԥш транспорт аҿы, аҳақьым ҳанизыԥшу, адәқьан аҿы, аусураҿы аԥсшьара аамҭаан, мамзаргьы ашкол аҿы аҵәҵәа аныҟоу. Иегова иҭахуп ус иҟоу ауаагьы Аҳра иазку ажәабжь раҳарц (1 Тим. 2:3, 4). Урҭ шаҳаҭра рыҭаразы, ҳара лассы-лассы аинициатива аарԥшны ацәажәара алагара ҳахәҭоуп.