Ақьырсиантә еизара иԥшьоу адоуҳа аиуит

2:1—8, 14, 37, 38, 41—47

33 шықәса ҳ. ҳ. аан еиуеиԥшым аҭыԥқәа рҟынтә аиудеицәа Иерусалим еизеит, Аҩынҩажәижәаба мшы аныҳәа азгәаҭаразы (Аус. 2:9—11). Урҭ ауаа Моисеи изакәан ишықәныҟәозгьы иҟалап дара иааижьҭеи атәым тәылаҿы инхозҭгьы (Иер. 44:1). Убри аҟынтә урҭ рахьтә шьоукы рҭеиҭыԥши рхымҩаԥгашьеи рыла аиудеиаа иреиԥшымызт, аха изланхоз ауаажәлар реиԥш иҟан. Еиуеиԥшымыз ажәларқәа рҟынтә 3 000-ҩык раҟара ауаа рҽанӡаарх, ақьырсиантә еизара бызшәа рацәала ицәажәо еизараны иҟалеит. Урҭ ақьырсианцәа культурала ишеиԥшымызгьы акзаара рыхьчон, насгьы иааиԥмырҟьаӡакәа ауахәамаҿы еизон (Аус. 2:46).

Ишԥаулшо уара азҿлымҳара аарԥшра:

• уҭыԥ аҿы инхо атәымтәылауаа рахь?

• егьырҭ атәылақәа рҟынтә иааз, уеизарахь иныҟәо аишьцәеи аиаҳәшьцәеи рахь?