Уԥшыз ахачҳара аарԥшны

Шаҟа ҵуазеи Анцәа Иаҳра ааира уазыԥшуижьҭеи? Иҟалап уԥсҭазаараҿы имаҷымкәа ауадаҩрақәа ухыугозар, убри аҟынтә ахачҳара ааурԥшлароуп (Рим. 8:25). Ақьырсианцәа шьоукы ацәымӷреи, аиашамреи, аҭакреи ирықәшәоит, насгьы рыԥсҭазаара ашәарҭара иҭагылар ҟалоит. Аӡәырҩы ирымоу ачымазарақәа, ма рықәра иадҳәалоу ауадаҩрақәа идыргәаҟуеит.

Иҳацхраауазеи агәырӷьара ҳцәымӡкәа аԥшра, аԥышәарақәа ҳашрықәшәогьы? Ҳагәрахаҵара еизҳарҳалароуп. Уи аҿы иҳацхраауеит есыҽны Абиблиа аԥхьара, насгьы ҳзыԥхьаз инарҵауланы азхәыцра. Иахәҭоуп ҳгәыӷра ҳалаԥш аҟәыҳамгалар (2 Кор. 4:16—18; Аур. 12:2). Ихадоуп Иегова иацәажәара, насгьы иԥшьоу адоуҳа ҳаиҭарц азы иҳәара (Лука 11:10, 13; Аур. 5:7). Абзиабара злоу Ҳаб аҵыхәтәанынӡа ҳаӷәӷәаны ҳаанхарц, насгьы агәырӷьара ҳцәымӡкәа акрычҳара аарԥшра дҳацхраауеит (Кәал. 1:11).

УАХӘАԤШ АВИДЕОНҴАМҬА «ҲАРА „АХАЧҲАРА ААРԤШНЫ“ ҲАҨУА ҲЦАЛАРОУП. АҲАМҬА ШШӘОУА АГӘРА ГАНЫ ШӘЫҞАЗ», АНАҨС АБАРҬ АЗҴААРАҚӘА РҬАК ҞАҴА:

• 

  Ишԥалшо ҳаԥсҭазаараҿы «аамҭеи амашәыри» ҳрықәшәар? (Еккл. 9:11).

• 

  Ишԥауцхраауеи анцәаиҳәара аԥышәарақәа раан?

• 

  Иегова имаҵ ауразы уаанӡа иҳалшоз уажәы иаҳзыҟамҵозар, избан изхадоу уажәазы иҳалшо еиҳа ҳхы азышьҭра?

• 

  Иуцхраауазеи аҳамҭа шуоуа агәрагара?