Иулшома уара уаамҭеи умчи Иегова изкра?

Иахьа аԥааимбар Исаиа заа ишиҳәахьаз еиԥш иубарҭоуп, адгьыл аҿы иҟоу Иегова иорганизациа аизҳара ишаҿу (Ис. 54:2). Убри аҟынтә еиҳаны иаҭахуп Аҳратә залқәа, Аконгресстә залқәа, афилиалқәа. Урҭ ахыбрақәа рыргылара адагьы, рымаҵ ауреи реиҭарҿыцреи анаҩсгьы иаҭахуп. Ус анакәха, иарбан лшарақәоу иаҳзаатуа ҳаамҭеи ҳамчи Иегова изкразы?

• Иулшоит Аҳратә зал аилыргара уҽалаурхәыр, уара узҵазкуа ажәабжьҳәаратә гәыԥ ианеилдырго.

• Аҳратә зал амаҵ ауразы иҟоу арҵара уахысыр улшоит.

• Иҟалоит иалоуҵар «Аҭыԥантәи аргыларатә ҟәша апрограммаҿы хатәгәаԥхарала амаҵзуразы арзаҳал» (DC-50), аамҭа-аамҭала аргылараҿы ацхыраара аҟаҵаразы, насгьы уааигәара иҟоу атеократиатә ргыларақәа рымаҵ аура аҽалархәразы.

• Иҟалоит иалоуҵар «Хатәгәаԥхарала амаҵзуразы арзаҳал» (A-19), мчыбжьык ма инеиҳаны рыҩныҵҟа аҭыԥантәи афилиал, ма уи акомплексқәа руак аҿы ацхырааразы.

УАХӘАԤШ АВИДЕОНҴАМҬА «ИҾЫЦУ АРГЫЛАРАТӘ ПРОЕКТ» АЦЫԤҴӘАХА, АНАҨС ҴАҞА ИААГОУ АЗҴААРАҚӘА РҬАК ҞАҴА:

• Зҽызыԥсахзеи 2014 шықәса раахыс авидеонҵамҭақәа рхархәараҿы?

• Иарбан ргыларатә проекту уи иадҳәаланы еиҿыркааз, насгьы шаҟа аамҭа иадхалозеи уи аргылара?

• Ацхыраара ҟарҵар шԥарылшо хатәгәаԥхарала амаҵ аура зҭаху?

• Избан Рамапо ицо аргыларақәа рҿы ацхырааразы арзаҳал DC-50 залаҵатәу, насгьы аҭыԥантәи аргыларатә ҟәша изрыдҵаалатәу?

• Иарбан шьақәырӷәӷәарақәоу иаҳзырбо ари аргыларатә проект Иегова ацхыраара шаиҭо?

• Ацхыраара ауҭар шԥаулшо ари апроект, уҭагылазаашьақәа аргылара аҽалархәразы алшарақәа урымҭозаргьы?