Самуил уиҿыԥшла

Самуил иԥсы ахьынӡаҭаз Иегова дизиашан. Данхәыҷыз Или иԥацәа Хофнии Финееси иҽеимыз рхымҩаԥгашьа даҿыԥшуамызт (1 Сам. 2:22—26). Иегова Самуил ианизҳауаз дицын (1 Сам. 3:19). Иара иқәрахь даннеигьы гәыкала Иегова имаҵ иуан, иԥацәа ус шыҟарымҵозгьы (1 Сам. 8:1—5).

Иаҳнарҵозеи Самуил иҿырԥшы? Иқәыԥшу аишьцәеи аиҳәшьцәеи, агәра ганы шәыҟаз: Иегова шәзықәшәо ауадаҩрақәа ибоит, насгьы шәцәаныррақәа еиликаауеит. Иара агәымшәара аарԥшра дшәыцхраауеит (Ис. 41:10, 13). Аҭаацәа, шәхәыҷы аҵабырг амҩа аанижьзар, шәгәы кашәмыжьын. Самуилгьы изызҳахьаз иԥацәа Иегова имаҵ аура рыдцалара илшомызт. Иара зегьы Иегова инапы ианиҵеит, ихаҭа вба имамкәа гәыкала Анцәа имаҵ иуан. Иҟалап шәҿырԥш бзиа шәхәыҷы Иегова иахь ахынҳәра ицхраар.

УАХӘАԤШ АВИДЕОНҴАМҬА «АБИБЛИАҾЫ ЗЫӠБАХӘ ҲӘОУ ШӘЫРҾЫԤШЛА. САМУИЛ», АНАҨС ҴАҞА ИААГОУ АЗҴААРАҚӘА РҬАК ҞАҴА:

• 

  Ишԥааирԥши Самуил хәыҷ агәымшәара?

• 

  Ишԥааирԥши Денни агәымшәара?

• 

  Ишԥариҭоз зықәрахь инеихьаз Самуил егьырҭ аҿырԥш бзиа?

• 

  Ишԥарырҭоз Денни иҭаацәа егьырҭ аҿырԥш бзиа?