АҚЬЫРСИАНТӘ ԤСҬАЗААРА
Иегова дышхәыцуа еиԥш ахәыцшьа ҵала
Ҳара иаҳҭахуп ҳаԥсҭазаараҿы зегь рыла Иегова дҳаргәырӷьалар (Ажәм 27:11). Зны-зынла ӡбарак ҳадаҳкылар анҳахәҭоу ҳҭагылазаашьа ианаало еилыкка иҟоу закәанк ма принципк ыҟамзар ауеит. Аха усҟангьы уи аҭагылазаашьа Иегова дшахәаԥшуа ҳахәаԥшлароуп. Иҳацхраауазеи уи аҿы?
Есыҽны Абиблиа аҭҵаара. Абиблиа ҳаԥхьацыԥхьаӡа Иегова ҳидтәаланы ҳаизыӡырҩуазар иаҩызоуп. Ҳара иаҳбоит Иегова ижәлар дышрызныҟәоз, иара игәаанагарала ииашаны ма ииашамкәа зхы мҩаԥызгоз ауаа рҿырԥшқәа ҳрызхәыцуеит. Убас ала Иегова дышхәыцуа еилаҳкаауеит. Ӡбарак ҳадаҳкылар анҳахәҭоу иԥшьоу адоуҳа иаҳгәаланаршәар алшоит Анцәа Иажәа анҭаҳҵаауаз иҳауз аурокқәеи еилаҳкааз апринципқәеи (Ин 14:26).
Аҭҵаара бзиа. Аӡбара удукылаанӡа ухы уазҵаа: «Иарбан библиатә жәеинраалақәоу ма хҭысқәоу ари азҵаара иазкны Иегова игәаанагара аилкаара исыцхраауа?» Анцәа ацхырааразы уиҳәа. Ухы иархәа ҳорганизациа иаҳнаҭо убызшәала иҟоу аҭҵааразы амыругақәа, иунаало абиблиатә принципқәа уԥшаарц, насгьы урҭ ухы иаурхәар шулшо еилукаарц азы (Аԥс 25:4).
УАХӘАԤШ АВИДЕОНҴАМҬА «ҲАРА „АХАЧҲАРА ААРԤШНЫ“ ҲАҨУА ҲЦАЛАРОУП. ИБЗИАНЫ АКРЫШӘФАЛА», АНАҨС ҴАҞА ИААГОУ АЗҴААРАҚӘА РҬАК ҞАҴА:
Дзықәшәазеи авидеонҵамҭаҿы зыӡбахә ҳәоу иқәыԥшу аиаҳәшьа?
Иуцхраар шԥалшо аҭҵааразы иҳамоу амыругақәа, уи аҩыза уақәшәар?
Ишԥаҳацхраауеи Абиблиеи ҳгәы иҵхо азҵаарақәеи ахьҭаҳҵаауа ииашоу аӡбарақәа рыдкылара? (Аур 5:13, 14).