АҚЬЫРСИАНТӘ ԤСҬАЗААРА

Анцәа дхазымҵо ауаа Ҳазшаз дшыҟоу агәра агара урыцхраала

Иҟалап уара Анцәа дхазымҵо ауаҩы ажәабжь бзиа изеиҭаҳәара узымгәаӷьуазар, избанзар абас угәы иаанагоит: «Уи дахьысзыӡырҩуа башоуп». Ус угәы иаанагозар, иухоумыршҭлан Анцәа дхазымҵоз аӡәырҩы ауаа — атеистцәагьы уахь иналаҵаны — Иегова ишаҳаҭцәа ракәны ишыҟалаз. Урҭ реиҳараҩык Анцәа дшыҟаҵәҟьоу иазку ашьақәырӷәӷәарақәа рызхәыцра ҳашьцәеи ҳаҳәшьцәеи рыцхрааит (Рм 1:20; 10:14).

УАХӘАԤШ АВИДЕОНҴАМҬА «АГӘРАХАҴАРА ЗМАМ ЕИЗДЫРҲАР РЫЛШОИТ. АНЦӘА ДХАЗЫМҴО», АНАҨС ҴАҞА ИААГОУ АЗҴААРА АҬАК ҞАҴА:

Ишԥаҳнарбо Томмазо иҭоурых Анцәа дхазымҵо ауаагьы ажәабжь бзиа рзеиҭаҳәара ҳацәымшәалар шҳахәҭоу?

Аҭак

Анцәа дхазымҵо ауаа ажәабжь шырзеиҭаҳәалатәу

Ауаҩы Анцәа дшыҟоу хасҵаӡом ҳәа уеиҳәозар, ахаареи апатуқәҵареи аарԥшла, насгьы ибзианы уизыӡырҩла (2Тм 2:24). Иара изы аинтерес змазар алшо атема алх. Иара мап имҳәозар, изеиҭаҳәа Ҳазшаз дшыҟоу аӡәырҩы агәра дзыргаз ашьақәырӷәӷәарақәа. Ухы иархәа уи атема иадҳәалоу апубликациақәеи авидеонҵамҭақәеи. Ааигәа апрограмма JW Library^® аҿы амаҵзуразы иҳамоу амыругақәа рахь иацлеит аброшиурақәа «Была ли жизнь создана?», насгьы «У истоков жизни. Пять вопросов, которые требуют ответа» — урҭ уажәшьҭа рыԥшаара мариоуп.

Аха иҟауҵар улшозеи Анцәа дхазымҵо ауаҩы ажәабжь изеиҭаҳәара азхәыцраҵәҟьагьы уацәшәозар? Уара иулшоит аԥышәа змоу ажәабжьҳәаҩ ацхырааразы уиҳәар. Уи адагьы иухоумыршҭлан, аиаша адкылара иазхиоу ауаа рыгәқәа рҟынӡа аҵабырг анагара Иегова дышҳацхраауа, урҭ аԥхьа Анцәа дшыҟоу агәра рымгозаргьы (Аус 13:48).