Аччаԥшь амч

ФИЛИППИНҚӘА рҿы ақалақь Багио аҿы ҩыџьа аӡӷабцәа амҩаду ианыланы ишцоз астенд иадгылаз ҳаҳәшьа дырбеит. Дара астенд ааигәа имнеиӡеит, аха уеизгьы ҳаҳәшьа Хелен ирхааны дырҿаччеит. Аӡӷабцәа уи ргәы ҟанаҵеит.

Ԥыҭрак ашьҭахь аӡӷабцәа втобусла аҩныҟа ишцоз Аҳратә зал аҭӡамц аҿы икыдыз ҳсаит алоготип рбеит. Дара иргәалашәеит астенд аҿгьы ирбаз уи алоготип шакәыз. Аӡӷабцәа автобус иҭыҵны Аҳратә зал ианадгыла агәашәқәа рҿы икыдыз аизарақәа реихшанҵа рбеит.

Дук мырҵыкәа дара аизарахь инеит. Шәгәы ишԥаанаго ирбада Аҳратә зал ианыҩнала? Шәақәшәеит, Хелен! Дара лара иаразнак дырдырит. Хелен аӡӷабцәа лара лахь ишнеиуаз анылба, иҟалаз лзымдырит, дшәеит. Аха аӡӷабцәа изнеиз лзеиҭарҳәеит.

Аӡӷабцәа аизара ахаҭагьы уа ишрыдыркылазгьы ргәаԥхеит. Дара рыҩныҟа инеизшәа ргәы иабеит. Аизара ашьҭахь аишьцәеи аиҳәшьцәеи Аҳратә зал шеилдыргоз анырба даргьы рҽаладырхәырц рҭаххеит. Ԥыҭрак ашьҭахь аӡӷабцәа руаӡәк даҽа тәылак ахь диасит, аха егьи аизарақәа рахь аныҟәареи Абиблиа аҵареи далагеит. Уи зегь зыбзоурахаз Хелен дахьырҿаччаз ауп!