Шәхатә ҭҵаара мҩаԥыжәгала, насгьы еилышәкааз егьырҭ ирзеиҭашәҳәала

Ҳхатә ҭҵаара анымҩаԥаҳго агәырӷьара ҳауеит, ҳамчгьы ҭалоит. Еилаҳкаауа егьырҭ ирзеиҭаҳҳәалар, еиҳагьы агәырӷьара ҳамазаауеит. Ажәамаанақәа 11:25 аҿы иануп: «Ауаа аӡы дзыржәуа, ихаҭагьы ӡыда даанхаӡом».

Еилаҳкааз акы анеиҭаҳҳәо, уи ҳхаҭагьы еиҳа еиӷьны еилаҳкаауеит, ибзиангьы игәнаҳкылоит. Абиблиа аҟынтә еилаҳкаауа егьырҭ ианырзеиҭаҳҳәо, уи ахәарҭа рзаанагар ауеит аҟынтә, уи ҳгәырӷьара иацнаҵоит (Аус. 20:35).

Аҩныҟатәи адҵа. Шәҽазышәшәа шәхатә ҭҵаараан еилышәкааз ари амчыбжь азы аӡәы изеиҭаҳәара. Иаҳҳәап, шәҭаацәа, шәеизара аҟынтә аишьцәеи аиҳәшьцәеи, аус шәыцызуа, аҵара шәыцызҵо, шәгәыла, мамзаргьы ажәабжьҳәараҿы ишәԥыло аӡәы. Ирмарианы, шәхатә ажәақәа рыла шәцәажәала.

Иаҳхаҳмыршҭлар ҳахәҭоу. Хықәкыс ишәымоу — шаҟа жәдыруа дырбара акәӡам, ргәы ашьҭыхра ауп (1 Кор. 8:1).